ரெயில் மோதி பெண் பலி

மருதூர் அருகே உள்ள வீரம்பூர் பகுதியில் நேற்று காலை சுமார் 45 வயது மதிக்கத்தக்க பெண் ஒருவர் ரெயில் மோதி இறந்து கிடந்தார். இதுகுறித்து தகவல் அறிந்த திருச்சி ரெயில்வே போலீசார் சம்பவ இடத்திற்கு வந்து அந்தப் பெண்ணின் உடலை கைப்பற்றி பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர். இதுகுறித்து திருச்சி ரெயில்வே போலீசார் வழக்குப்பதிந்து, ரெயில் மோதி இறந்த பெண் யார்? எந்த ஊரைச் சேர்ந்தவர்? என்பன உள்பட பல்வேறு கோணங்களில் விசாரணை நடத்தி வருகின்றனர்.