அரசு பஸ்சில் இருந்து தவறி விழுந்து பெண் பலி

நாகமலைபுதுக்கோட்டை,

நாகமலைபுதுக்கோட்டை அருகே மேலமாத்தூரைச் சேர்ந்தவர் நாகரத்தினம். இவருடைய மனைவி பரமேஸ்வரி (வயது 42). இவர் நேற்று முன்தினம் இரவு மதுரையில் இருந்து துவரிமான் வழியாகச் சென்ற அரசு பஸ்சில் சென்றார். துவரிமான் நான்குவழிச்சாலை சந்திப்பு அருகே சென்றபோது பஸ்சில் இருந்து தவறி விழுந்த பரமேஸ்வரி படுகாயமடைந்தார். மதுரை அரசு ராஜாஜி மருத்துவமனையில் பரமேஸ்வரி சேர்க்கப்பட்டார். அங்கு சிகிச்சை பலனின்றி அவர் இறந்தார். இதுகுறித்து நாகமலைபுதுக்கோட்டை போலீசார் வழக்குப்பதிவு செய்து விசாரித்து வருகின்றனர்.