பாம்பு கடித்து பெண் சாவு

ஒரத்தநாட்டை அடுத்துள்ள கண்ணந்தங்குடி கீழையூர் மேலத்தெருவை சேர்ந்த வெங்கடேசன் மனைவி கலைச்செல்வி (வயது47). சம்பவத்தன்று இவர் வீட்டு வாசல் பகுதியில் நின்று கொண்டிருந்தார். அப்போது அவரை பாம்பு கடித்தது. இதில் மயக்கமடைந்த கலைச்செல்வியை அருகில் இருந்தவர்கள் மீட்டு தஞ்சை அரசு மருத்துவக்கல்லூரி ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலனின்றி நேற்றுமுன்தினம் கலைச்செல்வி இறந்தார். இதுகுறித்து கலைச்செல்வியின் மகன் நவீன்குமார் (22) கொடுத்த புகாரின் பேரில் ஒரத்தநாடு போலீசார் வழக்குப்பதிவு செய்து விசாரணை நடத்தி வருகின்றனர்.