பாம்பு கடித்து பெண் பலி

லாலாபேட்டை அருகே உள்ள வயலூர் பகுதி அய்யம்பாளையத்தை சேர்ந்தவர் பிச்சைக்கண்ணு. இவரது மனைவி சசிகலா (வயது 35). இந்தநிலையில் சம்பவத்தன்று சசிகலா தனது தோட்டத்தில் உள்ள சோளக்காட்டில் ஆடுகளை மேய்த்து கொண்டிருந்தார். அப்போது அங்கு கிடந்த ஒரு பாம்பு சசிகலாவை கடித்துள்ளது. இதனால் அலறி துடித்த சசிகலாவை அங்கிருந்தவர்கள் மீட்டு சிகிச்சைக்காக குளித்தலை அரசு மருத்துவமனைக்கு அனுப்பி வைத்தனர். பின்னர் அவர் மேல்சிகிச்சைக்காக திருச்சி அரசு மருத்துவமனையில் அனுமதிக்கப்பட்டு, சிகிச்சை பலனின்றி பரிதாபமாக இறந்தார். இதுகுறித்து பிச்சைக்கண்ணு கொடுத்த புகாரின்பேரில் லாலாபேட்டை போலீசார் வழக்குப்பதிந்து விசாரணை நடத்தி வருகின்றனர்.