பஸ் நிறுத்தத்தில் இறந்து கிடந்த பெண்

அன்னவாசல் அருகே கீழபளுவஞ்சி பஸ் நிறுத்தத்தில் 50 வயது மதிக்கத்தக்க பெண் ஒருவர் இறந்து கிடப்பதாக அப்பகுதி மக்கள் அன்னவாசல் போலீசாருக்கு தகவல் அளித்தனர். அதன் பேரில் போலீசார் சம்பவ இடத்துக்கு விரைந்து வந்து பெண்ணின் உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து இறந்தவர் யார்? எந்த ஊரை சேர்ந்தவர் என்பது குறித்து விசாரணை நடத்தி வருகின்றனர்.