பெண் கடத்தலா? போலீசார் விசாரணை

விராலிமலை:

விராலிமலை தாலுகா கொடும்பாளூர் புக்குடிபட்டியை சேர்ந்தவர் சேகர். இவரது மனைவி மணிமேகலை (வயது 24). இவர் விராலிமலையில் உள்ள தனியார் தொழிற்பயிற்சி மையத்தில் பயிற்சி பெறுவதற்காக தினமும் சென்று வருவார். இந்நிலையில் சம்பவத்தன்று பயிற்சிக்கு சென்ற மணிமேகலை வீட்டிற்கு திரும்பி வரவில்லை. இதையடுத்து அவரை பல்வேறு இடங்களில் தேடி பார்த்தும் அவர் கிடைக்கவில்லை. இதுகுறித்து விராலிமலை போலீஸ் நிலையத்தில் சேகர் புகார் அளித்தார். அதன்பேரில் போலீசார் வழக்குப்பதிவு செய்து மணிமேகலையை யாரும் கடத்தி சென்றனரா? என்பது உள்பட பல்வேறு கோணங்களில் விசாரணை நடத்தி வருகின்றனர்.