வாகனம் மோதி பெண் பலி

குளித்தலை அருகே உள்ள குமாரமங்கலம் பஸ் நிறுத்தம் பகுதியில் சாலையோரம் சுமார் 55 வயது மதிக்கத்தக்க அடையாளம் தெரியாத பெண் ஒருவர் வாகனம் மோதி இறந்து கிடந்துள்ளார். இதுகுறித்து தகவல் அறிந்த குளித்தலை போலீசார் சம்பவ இடத்திற்கு வந்து அந்த பெண்ணின் உடலை கைப்பற்றி பிரேத பரிசோதனைக்காக குளித்தலை அரசு மருத்துவமனைக்கு அனுப்பி வைத்தனர். இது தொடர்பாக கிராம நிர்வாக அலுவலர் அலீமா அளித்த புகாரின்பேரில், குளித்தலை போலீசார் வழக்குப்பதிந்து அந்த பெண் யார்? எந்த ஊரை சேர்ந்தவர்? என விசாரணை நடத்தி வருகின்றனர்.