விழுப்புரம் மாவட்டத்தில் வீரதீர செயல்புரிந்த பெண்கள், கல்பனா சாவ்லா விருது பெற விண்ணப்பிக்கலாம் கலெக்டர் தகவல்

2023-ம் ஆண்டிற்கான கல்பனா சாவ்லா விருது வீரதீர செயல்புரிந்த பெண் ஒருவருக்கு வழங்கப்படவுள்ளது. இதற்கு சமூகத்தில் தானாக முன்வந்து தைரியமாகவும், துணிச்சலுடனும் நல்ல பல செயல்களை செய்திருக்க வேண்டும். நற்செயல்கள் செய்ததற்கான சான்று மற்றும் புகைப்படங்களுடன் விண்ணப்பிக்கலாம். இவ்விருது, சுதந்திர தின விழாவில் முதல்-அமைச்சரால் வழங்கப்படவுள்ளது. இவ்விருதுக்கான விண்ணப்பங்கள் மற்றும் முக்கிய விவரங்கள் தமிழ்நாடு விளையாட்டு மேம்பாட்டு ஆணைய இணையதளத்திலிருந்து பெற்றுக்கொள்ளலாம். இணையதளத்தின் முகவரி https://awards.tn.gov.in/ ஆகும். பூர்த்தி செய்யப்பட்ட விண்ணப்பத்தை உறுப்பினர் செயலாளர், தமிழ்நாடு விளையாட்டு மேம்பாட்டு ஆணையம், ஜவஹர்லால் நேரு விளையாட்டு அரங்கம், பெரியமேடு, சென்னை- 600 003 என்ற முகவரிக்கு தபால் மூலமாக வருகிற 28-ந் தேதிக்குள் அனுப்பவும் அல்லது https://awards.tn.gov.in/ என்ற இணையதளத்தில் 30-ந் தேதிக்குள் விண்ணப்பிக்கலாம். மேற்கண்ட விருது தொடர்பான இதர விவரங்களை விழுப்புரம் மாவட்ட விளையாட்டு அலுவலக முகவரியில் அலுவலக வேலைநாட்களில் நேரிலோ அல்லது தொலைபேசியிலோ (7401703485) தொடர்புகொண்டு விவரம் பெற்றுக்கொள்ளலாம்.

மேற்கண்ட தகவல் கலெக்டர் அலுவலகம் வெளியிட்டுள்ள செய்திக்குறிப்பில் கூறப்பட்டுள்ளது.