தொழிலாளி தீக்குளித்து தற்கொலை

ஆம்பூர் அடுத்த துத்திப்பட்டு அம்பேத்கர் நகர் பகுதியை சேர்ந்தவர் அசோக்ராஜ் (வயது 35). மூட்டை தூக்கும் தொழில் செய்து வருகிறார். இவர் நேற்று தனது வீட்டின் அருகே தான் வைத்திருந்த பெட்ரோலை தனது உடல் மீது ஊற்றி தீ வைத்துக் கொண்டுள்ளார். பின்னர் வலிதாஙாக முடியாமல் அலறி உள்ளார். அவரது அலறல் சத்தம் கேட்ட அக்கம் பக்கத்தினர் அவரை மீட்டு சிகிச்சைக்காக ஆம்பூர் அரசு மருத்துவமனைக்கு அனுப்பி வைத்தனர். பின்னர் மேல் சிகிச்சைக்காக வேலூர் அரசு மருத்துவமனைக்கு மாற்றப்பட்டார். அங்கு சிகிச்சை பலனின்றி உயிரிழந்தார்.

இதுகுறித்து உமராபாத் போலீசார் விசாரணை நடத்தி வருகின்றனர்.