மோட்டார் சைக்கிளில் இருந்து தவறி விழுந்த தொழிலாளி சாவு

அம்மாபேட்டை அருகே உள்ள சிங்கம்பேட்டை சின்ன சீரங்கனூர் பகுதியை சேர்ந்தவர் கணேசன் (வயது 48). கூலித்தொழிலாளி. நேற்று முன்தினம் இவர் அம்மாபேட்டையில் இருந்து வீட்டுக்கு மோட்டார்சைக்கிளில் சென்று கொண்டிருந்தார். அம்மாபேட்டையை அடுத்த காட்டூர் பிரிவு அருகே சென்றபோது எதிர்பாராதவிதமாக நிலைதடுமாறி மோட்டார்சைக்கிளில் இருந்து தவறி விழுந்தார். உடனே அவரை அங்கிருந்தவர்கள் மீட்டு சிகிச்சைக்காக பவானி அரசு ஆஸ்பத்திரிக்கு கொண்டு சென்றனர். அங்கு பரிசோதனை செய்த டாக்டர்கள் ஏற்கனவே கணேசன் இறந்துவிட்டதாக கூறினர். இதுகுறித்து அம்மாபேட்டை போலீசார் வழக்குப்பதிவு செய்து விசாரணை நடத்தி வருகின்றனர்.