விபத்தில் தொழிலாளி சாவு

தேனி சேல்ஸ் சொசைட்டி தெருவை சேர்ந்தவர் பொன்னுகாளை (வயது 55). கூலித்தொழிலாளி. கடந்த 4-ந்தேதி இவர், தேனி-பெரியகுளம் சாலையில் மோட்டார் சைக்கிளில் சென்று கொண்டிருந்தார். நகராட்சி அலுவலகம் அருகில் சென்ற போது அதே சாலையில் எதிரே வந்த மோட்டார்சைக்கிள் இவரது மோட்டார்சைக்கிள் மீது மோதியது. இதில் பலத்த காயம் அடைந்த பொன்னுகாளை சிகிச்சைக்காக தேனி அரசு மருத்துவ கல்லூரி ஆஸ்பத்திரியில் அனுமதிக்கப்பட்டார். பின்னர் மேல் சிகிச்சைக்காக அவர் மதுரை அரசு ஆஸ்பத்திரிக்கு கொண்டு செல்லப்பட்டார். அங்கு சிகிச்சை பலனின்றி நேற்று அவர் உயிரிழந்தார். இதுகுறித்து தேனி போலீசார் வழக்குப்பதிவு செய்து விசாரணை நடத்தி வருகின்றனர்.