விபத்தில் தொழிலாளி சாவு

திருமங்கலம்,

திருமங்கலம் அருகே உள்ள நக்கலக்கோட்டை பகுதியை சேர்ந்தவர் சர்க்கரை மகன் பால்பாண்டி (வயது 23). கூலித்தொழிலாளி. சம்பவத்தன்று மோட்டார்சைக்கிளில் சென்று கொண்டிருந்தார். அப்போது எதிர்பாராதவிதமாக மோட்டார்சைக்கிளில் இருந்து நிலை தடுமாறி கீழே விழுந்தார். அதில் தலையில் பலத்த காயம் அடைந்த அவரை அந்த வழியாக வந்தவர்கள் மீட்டு திருமங்கலம் அரசு ஆஸ்பத்திரியில் சிகிச்சைக்காக சேர்த்தனர். இந்நிலையில் நேற்று சிகிச்சை பலனின்றி பால்பாண்டி பரிதாபமாக இறந்தார். இந்த விபத்து குறித்து சிந்துபட்டி போலீசார் வழக்குப்பதிவு செய்து விசாரணை நடத்தி வருகின்றனர்.