மோட்டார் சைக்கிள் விபத்தில் தொழிலாளி பலி

திருச்சி பெரியமிளகுபாறை பகுதியை சேர்ந்தவர் துரை (வயது 46). இவர் பந்தல் அமைக்கும் தொழில் செய்து வந்தார். சம்பவத்தன்று இவர் திண்டுக்கல்- திருச்சி சாலையில் மோட்டார் சைக்கிளில் வந்து கொண்டிருந்தார். அப்போது கருமண்டபம் சோதனை சாவடி அருகே வந்தபோது திடீரென்று ஒரு நாய் சாலையின் குறுக்கே வந்தது.

இதனை சற்றும் எதிர்பார்க்காத துரை நிலைதடுமாறி சாலையில் விழுந்தார். இதனால் அவருக்கு தலையில் பலத்த காயம் ஏற்பட்டது. உடனே அவரை திருச்சி அரசு மருத்துவமனையில் சிகிச்சைக்காக சேர்த்தனர். இந்நிலையில் நேற்று காலை துரை சிகிச்சை பலனின்றி இறந்தார்.

இந்த சம்பவம் தொடர்பாக தெற்கு போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.