மோட்டார் சைக்கிள்கள் மோதலில் தொழிலாளி பலி

ஆம்பூரை அடுத்த வெங்கடசமுத்திரம் பகுதியைச் சேர்ந்தவர் குமார் (வயது 37). கூலித்தொழிலாளி. இவர் நேற்று முன் தினம் இரவு மாச்சம்பட்டு அருகே தனது மோட்டார் சைக்கிளில் சென்று கொண்டிருந்தார். அப்போது எதிரே அந்த வழியாக சென்ற மற்றொரு மோட்டார் சைக்கிள் மீது மோதினார். இதில் குமாருக்கு தலையில் பலத்த காயம் ஏற்பட்டது.

உடனடியாக அப்பகுதி மக்கள் அவரை மீட்டு ஆம்பூர் அரசு மருத்துவமனைக்கு அனுப்பி வைத்தனர். அங்கு அவருக்கு தீவிர சிகிச்சை அளித்தும் சிகிச்சை பலனின்றி பரிதாபமாக உயிரிழந்தார். இதுகுறித்து உமராபாத் போலீசார் வழக்குப்பதிவு செய்து விசாரணை நடத்தி வருகின்றனர்.