தொழிலாளி விஷம் குடித்து சாவு

பேட்டை:

நெல்லை டவுனை அடுத்த கரிக்காதோப்பு, பெருமாள் கோவில் தெருவை சேர்ந்தவர் சண்முகவேலு. இவருடைய மகன் கண்ணன் (வயது 47.) இவரது மனைவி பிரியா (42). 2 பெண் குழந்தைகள் உள்ளனர். கண்ணன் சென்ட்ரிங் தொழிலாளியாக வேலை பார்த்து வருகிறார். குடும்ப பிரச்சினை காரணமாக கடந்த 9-ந் தேதி வீட்டில் விஷம் குடித்து உயிருக்கு போராடிக் கொண்டிருந்தார். அவரை அக்கம்பக்கத்தினர் மீட்டு பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். அங்கு சிகிச்சை பலனின்றி நேற்று அவர் இறந்தார். இதுகுறித்து சுத்தமல்லி போலீசார் வழக்குப்பதிவு செய்து விசாரணை நடத்தி வருகின்றனர்.