ஆற்றில் மூழ்கி தொழிலாளி சாவு

நெல்லை அருகே உள்ள கீழபாலாமடையை சேர்ந்தவர் நடராஜன் (வயது 45) ஆடு மேய்க்கும் தொழிலாளி. இவர் நேற்று மணப்படைவீடு அருகே உள்ள தாமிரபரணி ஆற்றில் எதிர்பாராத விதமாக தவறி விழுந்தார். இதில் தண்ணீரில் மூழ்கி நடராஜன் பரிதாபமாக இறந்தார். பாளையங்கோட்டை தீயணைப்பு நிலைய அலுவலர் வீரராஜ் தலைமையில் வீரர்கள் விரைந்து சென்று நடராஜன் உடலை மீட்டனர். இதுகுறித்து பாளையங்கோட்டை தாலுகா போலீசார் வழக்குப்பதிவு செய்து விசாரணை நடத்தி வருகிறார்கள்.