தவறி விழுந்து தொழிலாளி சாவு

ஒரத்தநாடு:

திருவோணத்தை அடுத்துள்ள தெட்சிணாமூர்த்திபுரம் கிராமத்தை சேர்ந்தவர் பாலசுப்ரமணியன் (வயது52) இவர் சம்பவத்தன்று ஊரணிபுரத்திற்கு சென்று விட்டு வீட்டிற்கு மோட்டார் சைக்கிளில் வந்து கொண்டிருந்தார். இவர் ஆற்றங்கரை அருகே வந்துபோது திடீரென மோட்டார் சைக்கிளில் இருந்து தடுமாறி கீழே விழுந்தார். இதில் காயம் அடைந்த பாலசுப்பிரமணியன் வீட்டிற்கு சென்று விட்டார். அதன் பிறகு பாலசுப்பிரமணியனுக்கு தலைவலி அதிகரித்ததால் அவர் சிகிச்சைக்காக பட்டுக்கோட்டை அரசு ஆஸ்பத்திரியில் சேர்க்கப்பட்டார். பிறகு மேல் சிகிச்சைக்காக தஞ்சை அரசு மருத்துவக் கல்லூரி ஆஸ்பத்திரியில் சேர்க்கப்பட்டு, அங்கு சிகிச்சை பெற்று வந்தார். இந்த நிலையில் அவர் சிகிச்சை பலனின்றி நேற்று முன்தினம் இரவு பரிதாபமாக இறந்தார். இது குறித்து ஒரத்தநாடு போலீசார் வழக்குப்பதிவு செய்து விசாரணை நடத்தி வருகின்றனர்.