கார் மோதி தொழிலாளி படுகாயம்

லாலாபேட்டை அருகே உள்ள கள்ளப்பள்ளி அக்ரகாரத்தை சேர்ந்தவர் சரவணன் (வயது 44), தொழிலாளி. இவர் கரூரிலிருந்து லாலாபேட்டைக்கு பஸ்சில் வந்தார். பின்னர் தனது வீட்டிற்கு செல்ல சாலையை கடந்த போது ஆந்திர மாநிலம் குண்டூர் மாவட்டத்தை சேர்ந்த சங்கரநாராயணரெட்டி (30) என்பவர் ஓட்டி வந்த கார் எதிர்பாராதவிதமாக சரவணன் மீது மோதியது. இதில், பலத்த காயமடைந்த அவரை அந்த வழியாக சென்றவர்கள் மீட்டு கரூர் அரசு மருத்துவமனைக்கு கொண்டு சென்றனர். பின்னர் மேல் சிகிச்சைக்காக திருச்சி அரசு மருத்துவமனையில் அனுமதிக்கப்பட்டார். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள். இந்த விபத்து குறித்து லாலாபேட்டை போலீசார் வழக்குப்பதிவு செய்து விசாரணை நடத்தி வருகின்றனர்.