கார் மோதி தொழிலாளி பலி; ஒருவர் படுகாயம்

திருச்சியை அடுத்த ராம்ஜிநகர் அருகே உள்ள கள்ளிக்குடி காந்தி காலனியை சேர்ந்தவர் மணிவேல் (வயது 46). தொழிலாளி. இவரும் அவரது நண்பருமான அதே பகுதியை சேர்ந்த முருகன் என்ற முருகேசன் என்பவரும் ராம்ஜிநகரில் உள்ள மளிகை கடைக்கு மொபட்டில் சென்றனர்.

பின்னர் அவர்கள் மளிகை பொருட்களை வாங்கி விட்டு வீட்டுக்கு வந்து கொண்டிருந்தனர். அப்போது புத்தாநத்தத்தை சேர்ந்த ஷேக்மைதீன் என்பவர் ஓட்டி வந்த கார் இவர்கள் வந்த மொபட் மீது மோதியது. இதில் இருவரும் பலத்த காயம் அடைந்தனர். இந்த விபத்தில் மணிவேல் சம்பவ இடத்திலேயே உயிரிழந்தார். பலத்த காயம் அடைந்த முருகேசனை அக்கம்பக்கத்தினர்மீட்டு சிகிச்சைக்காக திருச்சி அரசு மருத்துவமனைக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இதுகுறித்த புகாரின் பேரில் ராம்ஜிநகர் போலீசார் வழக்குப்பதிவு செய்து ஷேக்மைதீனை கைது செய்தனர்.