அரசு பஸ் மோதி தொழிலாளி பலி; மற்றொருவர் படுகாயம்

திசையன்விளை:

திசையன்விளை அருகே அரசு பஸ் மோதி தொழிலாளி பலியானார். மற்றொருவர் படுகாயம் அடைந்தார்.

தொழிலாளி

திசையன்விளை அருகே உள்ள கன்னங்குளத்தை சேர்ந்தவர் முருகன் (வயது 70). அதே ஊரைச் சேர்ந்தவர் நாகமல் (65). இவர்கள் 2 பேரும் கூலித்தொழிலாளர்கள்.

நேற்று மாலையில் 2 பேரும் ஒரு மோட்டார் சைக்கிளில் மன்னார்புரத்தில் உள்ள பெட்ரோல் பல்க்கில் பெட்ரோல் போடுவதற்காக வந்தனர். மோட்டார் சைக்கிளை முருகன் ஓட்டினாா். சாலையில் வளைவில் திரும்பிய போது பின்னால் வந்த அரசு பஸ் திடீரென்று மோட்டார் சைக்கிள் மீது மோதியது. இதில் 2 பேரும் தூக்கி வீசப்பட்டு படுகாயம் அடைந்தனர்.

பலி

அக்கம்பக்கத்தினர் 2 பேரையும் மீட்டு சிகிச்சைக்காக நாங்குநேரி அரசு ஆஸ்பத்திரிக்கு அனுப்பி வைத்தனர். அங்கு சிகிச்சை பலனின்றி முருகன் பரிதாபமாக இறந்தார். நாகமல் சிகிச்சை பெற்று வருகிறார். இந்த விபத்து குறித்து திசையன்விளை போலீஸ் இன்ஸ்பெக்டர் சாந்தி வழக்குப்பதிவு செய்து விசாரணை நடத்தி வருகிறார்.