மினிலாரி மோதி தொழிலாளி பலி

பழனி மதினாநகரை சேர்ந்தவர் இஸ்மாயில் (வயது 24). கூலித்தொழிலாளி. இவரது நண்பர் பத்ராதெருவை சேர்ந்த குமரேசன் (20). இவர்கள் இருவரும் மோட்டார் சைக்கிளில் சின்னகலையமுத்தூர் சென்றுவிட்டு பழனி நோக்கி வந்து கொண்டிருந்தனர். அ.கலையமுத்தூர் அருகே வந்தபோது ஒட்டன்சத்திரத்தில் இருந்து காய்கறிகளை ஏற்றுக்கொண்டு கேரளா சென்ற மினிலாரியும், மோட்டார் சைக்கிளும் ேமாதியது. இதில் சம்பவ இடத்திலேயே இஸ்மாயில் பலியானார்.

படுகாயமடைந்த குமரேசனை அக்கம்பக்கத்தினர் மீட்டு சிகிச்சைக்காக பழனி அரசு மருத்துவமனையில் சேர்த்தனர். பின்னர் மேல்சிகிச்சைக்காக அவர் மதுரை அரசு மருத்துவமனையில் சேர்க்கப்பட்டார். இதுகுறித்து பழனி தாலுகா போலீசார் வழக்குப்பதிவு செய்து விசாரணை செய்து வருகின்றனர்.