தொழிலாளி தற்கொலை

திசையன்விளை:

திசையன்விளை அருகே உள்ள மகாதேவன்குளத்தை சேர்ந்தவர் சதீஷ் (வயது 43). கட்டிட தொழிலாளியான இவருக்கு மதுக்குடிக்கும் பழக்கம் இருந்து வந்ததாக கூறப்படுகிறது. இதனால் மதுகுடித்துவிட்டு வேலைக்கு செல்லாமல் இருந்துள்ளார். இதை அவரது மனைவி கண்டித்துள்ளார். அதனால் கணவன்-மனைவி இடையே தகராறு ஏற்பட்டது. இதில் மனமுடைந்த சதீஷ் வீட்டில் வைத்து விஷம் குடித்து மயங்கினார். அவரை உறவினர்கள் மீட்டு பாளையங்கோட்டை அரசு ஆஸ்பத்திரியில் அனுமதித்தனர்.

இந்த நிலையில் ஆஸ்பத்திரியில் தீவிர சிகிச்சை அளித்தும் பலனின்றி நேற்று முன்தினம் சதீஷ் பரிதாபமாக இறந்தார். இந்த சம்பவம் குறித்து திசையன்விளை போலீஸ் சப்- இன்ஸ்பெக்டர் செல்வராஜ் வழக்குப்பதிவு செய்து விசாரணை நடத்தி வருகிறார்.