உலக மீட்பர் ஆலய தேர் பவனி

தேவகோட்டை,

தேவகோட்டை ராம்நகர் உலக மீட்பர் ஆலய திருவிழா கடந்த 10-ந் தேதி கொடியேற்றத்துடன் தொடங்கியது. திருவிழா சிறப்பு திருப்பலி ராம்நகர் பங்குத்தந்தை சேசு தலைமையில் தஞ்சாவூர் அன்னை வேளாங்கண்ணி கலை மற்றும் அறிவியல் கல்லூரி அதிபர் அருட்தந்தை செபாஸ்டீன் பெரியண்ணா மறையுரையும், பின்னர் தேர் பவனியும் நடைபெற்றது. தேர் பவனி ராம்நகர் முதல் வீதி, எழுவங்கோட்டை ரோடு, ராம்நகர் மூன்றாம் வீதி வழியாக ஆலயம் வந்தடைந்தது. அதன் பிறகு ஆலயத்தில் நற்கருணை ஆசீர் நடைபெற்றது. விழாவில் அருட் தந்தையர்கள் ஆரோக்கியசாமி, கிறிஸ்துராஜ், வளன், டென்சிங் மற்றும் ராம்நகர் பங்கு மக்கள் அனைவரும் கலந்து கொண்டனர். விழாவிற்கான ஏற்பாடுகளை பங்கு பேரவையினர் செய்து இருந்தனர்.