பழ வியாபாரியை தாக்கிய வாலிபர் கைது

நெல்லை சந்திப்பு சி.என்.கிராமம் முத்துராமலிங்கனார் தெருவை சேர்ந்தவர் இசக்கிபாண்டி (வயது 63). பழ வியாபாரி. அதே பகுதியை சேர்ந்தவர் பாண்டி மகன் இசக்கிராஜா (22). இவர் சம்பவத்தன்று பொது குடிநீர் குழாயை சேதப்படுத்தினாராம். இதனை இசக்கிபாண்டி கண்டித்துள்ளார். இதனால் ஆத்திரம் அடைந்த அவர் இசக்கிபாண்டியை தாக்கி மிரட்டல் விடுத்ததாக கூறப்படுகிறது.

இதுகுறித்த புகாரின் பேரில் நெல்லை சந்திப்பு போலீசார் வழக்குப்பதிவு செய்து, இசக்கிராஜாவை கைது செய்தனர்.