பறவைகளை வேட்டையாடிய வாலிபர் கைது

வேதாரண்யம்:

வேதாரண்யம் வனச்சரக அலுவலர் அயூப் கான் தலைமையில் வனவர்கள் .ராமதாஸ், செல்வி, மகாலெட்சுமி, வனக்காப்பாளர்கள் ரணீஷ்குமார், செல்வி, இளக்கியா, வேட்டைதடுப்பு காவலர்கள் நிர்மல்ராஜ் ஆகிேயார் அடங்கிய குழுவினர் நேற்று காலை கருப்பம்புலம் மேலகாடு பகுதியில் கண்காணிப்பு பணியில் ஈடுபட்டனர். அப்போது அந்த பகுதியில் வலைவைத்து மடையான் பறவைகள் வேட்டையாடிய இதே பகுதியை சேர்ந்த வீரமுத்து மகன் பாலமுருகன் (வயது25) என்பவரை பிடித்தனர். இதுகுறித்து வனத்துறையினர் வழக்குப்பதிவு செய்து பாலமுருகனை கைது செய்தனர். மேலும் அவருக்கு ரூ.25 ஆயிரம் அபராதம் விதிக்கப்பட்டது.