கல்லூரி மாணவியை கர்ப்பமாக்கிய வாலிபர் கைது

செய்யாறு

வெம்பாக்கம் தாலுகா சித்தனக்கால் கிராமத்தை சேர்ந்தவர் சிலம்பரசன் (வயது 22), கட்டிட தொழிலாளி.

இவர் அதே பகுதியை சேர்ந்த கல்லூரியில் 3-ம் ஆண்டு படித்து வரும் மாணவியுடன் பழகி திருமணம் செய்து கொள்வதாக கூறி காதலித்தார்.

சம்பவத்தன்று வட இலுப்பை கிராம ஏரி பகுதியில் மாணவியுடன் அவர் உல்லாசமாக இருந்ததாக கூறப்படுகிறது. இந்த நிலையில் மாணவி கர்ப்பமானார்.

அதன்பிறகு சிலம்பரசன் திருமணம் செய்ய மறுப்பு தெரிவித்ததால் செய்யாறு அனைத்து மகளிர் போலீஸ் நிலையத்தில் மாணவி புகார் அளித்தார்.

அதன்பேரில் போக்சோ சட்டத்தில் போலீசார் வழக்குப்பதிவு செய்து சிலம்பரசனை கைது செய்தனர். அவரிடம் போலீசார் விசாரணை நடத்தி வருகின்றனர்.