மதுபாட்டில்கள் கடத்திய வாலிபர் கைது

கீழ்வேளூர் போலீஸ் இன்ஸ்பெக்டர் தியாகராஜன் மற்றும் போலீசார் நாகூர்- ஆழியூர் சாலையில் உள்ள புலியூர் மாரியம்மன் கோவில் அருகில் நேற்று வாகன சோதனையில் ஈடுபட்டனர்.

அப்போது அந்த வழியாக மோட்டார் சைக்கிளில் வந்த நபரை போலீசார் நிறுத்தினர். பின்னர் அவர் வைத்திருந்த பையை சோதனை செய்தனர். அந்த பையில் வெளி மாநிலத்தை சேர்ந்த 100 மதுபாட்டில்கள் இருந்தது தெரியவந்தது.

விசாரணையில் அவர் நாகை அருகே சங்கமங்கலம் ஊராட்சி பழையனூர் மேல்பாதியை சேர்ந்த துரைராஜ் (வயது 37) என்பதும், காரைக்கால் வாஞ்சூர் பகுதியில் இருந்து மோட்டார் சைக்கிளில் மதுபாட்டில்களை கடத்தி வந்தது தெரியவந்தது. இதுகுறித்து கீழ்வேளூர் போலீசார் வழக்குப்பதிவு செய்து துரைராஜை கைது செய்து அவரிடம் இருந்து 100 மதுபாட்டில்கள் மற்றும் கடத்தலுக்கு பயன்படுத்திய மோட்டார் சைக்கிள் ஆகியவற்றை பறிமுதல் செய்தனர்.