தாத்தாவை ஸ்க்ரூ டிரைவரால் குத்திய வாலிபர் கைது

திருச்சி புத்தூர் நடுவனூர்பேட்டை திரு.வி.க. நகர் பகுதியை சேர்ந்தவர் சிவசங்கர் (வயது 22). இவர் அவருடைய தாயுடன் அடிக்கடி தகராறில் ஈடுபட்டுள்ளார். இந்நிலையில் சம்பவத்தன்று அவர், தனது தாயுடன் தகராறில் ஈடுபட்டபோது, அவரது தாத்தா கலியராஜ்(65), ஏன் தகராறு செய்கிறாய்? என்று கேட்டுள்ளார். இதில் ஆத்திரம் அடைந்த சிவசங்கர், கலியராஜை திட்டி ஸ்க்ரூ டிரைவரால் குத்தியதோடு, தனது பாட்டியையும் தாக்கியுள்ளார். இதில் படுகாயமடைந்த கலியராஜ் திருச்சி அரசு மருத்துவமனையில் சிகிச்சைக்காக அனுமதிக்கப்பட்டுள்ளார். இது குறித்து கலியராஜ் அரசு மருத்துவமனை போலீஸ் நிலையத்தில் கொடுத்த புகாரின்பேரில் போலீசார் வழக்குப்பதிவு செய்து சிவசங்கரை கைது செய்தனர்.