கனவாமீன் ஓடு திருடிய வாலிபர் கைது

தூத்துக்குடி தாளமுத்துநகர் அருகே உள்ள சிலுவைபட்டி பெரியசெல்வம் நகரைச் சேர்ந்த அருள்மணி மகன் ஸ்டீபன் எட்வர்டு மணி (வயது 49). மீன் வியாபாரி. இவருக்கு சொந்தமான குடோன் தாளமுத்துநகர் கிழக்கு காமராஜர் நகரில் உள்ளது. இந்த குடோனில் இருந்து கடந்த சில மாதங்களாக கனவாமீன் ஓடுகள் திருடப்பட்டு வந்துள்ளது.

இதுகுறித்து அவர் அளித்த புகாரின் பேரில் தாளமுத்து நகர் போலீசார் நடத்திய விசாரணையில், தூத்துக்குடி சோட்டையன் தோப்பு பகுதியைச் சேர்ந்த அம்பிராஜ் மகன் அஜித்குமார் (26) என்பவர், அந்த குடோனிலிருந்து ரூ.32 ஆயிரம் மதிப்புள்ள கனவாமீன் ஓடுகளை திருடியது தெரியவந்தது. இதுகுறித்து தாளமுத்துநகர் சப்-இன்ஸ்பெக்டர் சரண்யா வழக்குப்பதிவு செய்து அஜித்குமாரை கைது செய்தார்.