மோட்டார் சைக்கிள் திருடிய வாலிபர் கைது

பாளையங்கோட்டை உச்சிமாகாளி அம்மன் கோவில் தெருவை சேர்ந்த பாலசுப்பிரமணியன் மகன் லட்சுமண பிரகாஷ் (வயது 29). இவர் சம்பவத்தன்று தனது மோட்டார் சைக்கிளை பாளையங்கோட்டை மார்க்கெட் பகுதியில் உள்ள ஒரு ஓட்டல் முன்பு நிறுத்தி இருந்தார். திரும்பி வந்து பார்த்தபோது அவரது மோட்டார் சைக்கிளை காணவில்லை. இதனையடுத்து அவர் பாளையங்கோட்டை போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தினர். விசாரணையில், ராஜவல்லிபுரத்தை சேர்ந்த ஆனந்த சிவன் (21) என்பவர் லட்சுமண பிரகாசின் மோட்டார் சைக்கிளை திருடிச் சென்றது தெரியவந்தது. இதனையடுத்து போலீசார் ஆனந்த சிவனை கைது செய்தனர்.