மோட்டார் சைக்கிளை திருடிய வாலிபர் கைது

கரூர் தெற்கு மடவழகத்தை சேர்ந்தவர் ரவி (வயது 60). இவர் ஈஸ்வரன் கோவில் அருகே தனது மோட்டார் சைக்கிளை நிறுத்தி விட்டு, திரும்பி வந்து பார்த்துள்ளார். அப்போது மோட்டார் சைக்கிளை மர்மநபர்கள் திருடி சென்றது தெரியவந்தது. இதுகுறித்து ரவி கொடுத்த புகாரின்பேரில், கரூர் டவுன் போலீஸ் சப்-இன்ஸ்பெக்டர் அப்துல்லா வழக்குப்பதிந்து, விசாரணை நடத்தினார். விசாரணையில், திருச்சி மாவட்டம், தா.பேட்டை அருகே உள்ள கண்ணூர் பாளையத்தை சேர்ந்த ஹரிகரன் (26) என்பவர் ரவியின் மோட்டார் சைக்கிளை திருடியது தெரியவந்தது. இதையடுத்து ஹரிகரனை போலீசார் கைது செய்து விசாரணை நடத்தி வருகின்றனர்.