விவசாயி கொலை வழக்கில் வாலிபர் கைது

ராணிப்பேட்டை மாவட்டம் அரக்கோணத்தை அடுத்த நாரணமங்கலம் கிராமத்தை சேர்ந்தவர் ஜோதி (வயது 50). விவசாயி. இவருக்கும் இவரது சகோதரி மகன் அஜித் (22) என்பவருக்கும் நிலம் பிரச்சனை இருந்து வந்ததாக கூறப்படுகிறது. இது சம்பந்தமாக ஜோதி மீது அரக்கோணம் தாலுகா போலீஸ் நிலையத்தில் வழக்கு உள்ளது. இன்த நிலையில் நேற்று முன்தினம் மாலை வீட்டில் இருந்து வெளியே சென்ற ஜோதியை, அஜித் வெட்டி கொலைசெய்து விட்டு தப்பி ஓடி தலை மறைவாகிவிட்டார்.

இது குறித்து அரக்கோணம் தாலுகா போலீசார் வழக்குப்பதிவுசெய்து அஜித்தை தேடி வந்தனர். இந்த நிலையில் நேற்று மாலை ரெட்டை குளம் பகுதியில் பதுங்கி இருந்த அஜித்தை போலீசார் சுற்றி வளைத்து பிடித்து செய்து கைது செய்து சிறையில் அடைத்தனர்.