முன்விரோத தகராறில் வாலிபர் கைது

திருவண்ணாமலை மாவட்டம் ஆரணியை அடுத்த புதுப்பட்டு கிராமத்தை சேர்ந்தவர் பழனி. அவரது மகன் சிவராமன் (வயது 22). இவருக்கும், நெசல் தென்றல் நகர் பகுதியை சேர்ந்த 19 வயது வாலிபருக்கும் முன்விரோதம் இருந்து வந்துள்ளது.

சம்பவத்தன்று இரவு சிவராமன் நெசல் பகுதி அருகே செல்லும் போது வாலிபரும், அவரது நண்பரும் சேர்ந்து சிவராமனை தாக்கியுள்ளனர். இதில் படுகாயம் அடைந்த அவர் சிகிச்சைக்காக ஆரணி அரசு மருத்துவமனையில் சேர்க்கப்பட்டார்.

இதுகுறித்த புகாரின் பேரில் ஆரணி தாலுகா போலீசார் வழக்குப்பதிவு செய்து வாலிபரை கைது செய்தனர். மேலும் அவரது நண்பரை தேடி வருகின்றனர்.