மின்சாரம் தாக்கி வாலிபர் பலி

சிதம்பரம்,

சிதம்பரம் சிவ சிவ நகர் பகுதியை சேர்ந்தவர் மாரியப்பன் மகன் தனுஷ் தயாநிதி (வயது 24). சம்பவத்தன்று இவர் வீட்டின் அருகே ஓடிக் கொண்டிருந்த மின் மோட்டாரை நிறுத்துவதற்காக, அதற்கான சுவிட்சை அழுத்தினார். அப்போது எதிர்பாராதவிதமாக அவரை மின்சாரம் தாக்கியது. இதில் மயங்கிய அவரை அக்கம் பக்கத்தினர் மீட்டு சிதம்பரம் அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர் ஏற்கனவே தனுஷ் தயாநிதி உயிரிழந்து விட்டதாக கூறிவிட்டார். இதுகுறித்து சிதம்பரம் நகர போலீசார் வழக்குப்பதிவு செய்து விசாரணை நடத்தி வருகின்றனர்.