சாராயம் கடத்திய வாலிபர் கைது

நாகை மாவட்ட போலீஸ் சூப்பிரண்டு ஹர்ஷ் சிங் உத்தரவு பேரில், சாராய கடத்தலை தடுக்கும் வகையில் பல்வேறு இடங்களில் போலீசார் சோதனை நடத்தி வருகின்றனர். அதன்படி நாகூர் தேரடி அருகே நாகூர் போலீஸ் இன்ஸ்பெக்டர் சிவராமன் மற்றும் போலீசார் வாகன சோதனையில் ஈடுபட்டு கொண்டிருந்தனர். அப்போது நாகையை நோக்கி வந்த ஆட்டோவை நிறுத்தி போலீசார் சோதனை செய்தனர். அதில் சாராயம் இருந்தது தெரியவந்தது. இதை தொடர்ந்து ஆட்டோவில் வந்தவரிடம் போலீசார் விசாரணை நடத்தினர். இதில் அவர் வெளிபாளையத்தை சேர்ந்த வேல்முருகன் மகன் ராஜா (வயது 33) என்பதும், அவர் ஆட்டோவில் சாராயம் கடத்தி வந்ததும் தெரிய வந்தது.

இதுகுறித்து நாகூர் போலீசார் வழக்குப்பதிவு செய்து ராஜாவை கைது செய்தனர். மேலும் அவரிடம் இருந்து 110 லிட்டர் சாராயத்தையும், கடத்தலுக்கு பயன்படுத்திய ஆட்டோவையும் பறிமுதல் செய்தனர்.