<
3-வது கட்ட வேட்பாளர் பட்டியலை வெளியிட்டது பா.ம.க.
3-வது கட்ட வேட்பாளர் பட்டியலை பா.ம.க. வெளியிட்டுள்ளது.
சென்னை,
சட்டசபை தேர்தலில் அ.தி.மு.க. கூட்டணியில் பா.ம.க. 23 தொகுதிகளில் களம் காண்கிறது. இதில் 10 தொகுதிகளுக்கு முதல் கட்டம், இரண்டாவது கட்டம் வேட்பாளர் பட்டியல் வெளியிடப்பட்டது. இந்நிலையில் 3வது கட்ட வேட்பாளர் பட்டியலை பா.ம.க. வெளியிட்டது.
ஏற்னெகவே 19 வேட்பாளர்கள் அறிவிக்கப்பட்ட நிலையில் மொத்தம் ஒதுக்கப்பட்ட 23 தொகுதிகளில் எஞ்சிய 4 தொகுதிகளுக்கான வேட்பாளர்களும் இன்று அறிவிக்கப்பட்டனர்.
இது தொடர்பாக பா.ம.க. வெளியிட்டுள்ள அறிவிப்பில் கூறியிருப்பதாவது:-
மேட்டூரில் எஸ். சதாசிவம், பூந்தமல்லி (தனி) தொகுதியில் முன்னாள் எம்எல்ஏ எஸ்.எக்ஸ் ராஜமன்னார், சங்கராபுரம் தொகுதியில் மருத்துவர். ராஜா, வந்தவாசி (தனி) தொகுதியில் எஸ். முரளி சங்கர் ஆகியோர் வேட்பாளர்களாக அறிவிக்கப்பட்டுள்ளனர்.
பாமக தலைவர் ஜி.கே.மணி இந்த அறிவிப்பை வெளியிட்டார்.
முன்னதாக, பூந்தமல்லி தொகுதியை பாமகவுக்கு ஒதுக்கியதை எதிர்த்து அதிமுகவினர் சாலைமறியல் உள்ளிட்ட பல்வேறு போராட்டங்களை நடத்தினர். இந்நிலையில் பூந்தமல்லி தொகுதிக்கு பாமக சார்பில் வேட்பாளர் அறிவிக்கப்பட்டுள்ளார். இத்தொகுதியில் திமுக வேட்பாளர் களம் இறங்குகிறார் என்பது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
