உலக செய்திகள்

மும்பை தாக்குதலின் மூளையாக செயல்பட்ட ஹபீஸ் சயீதை தீவிரவாதி என பாகிஸ்தான் அறிவித்தது + "||" + Pakistan declares mumbai attacks mastermind Hafiz Saeed a terrorist

மும்பை தாக்குதலின் மூளையாக செயல்பட்ட ஹபீஸ் சயீதை தீவிரவாதி என பாகிஸ்தான் அறிவித்தது

மும்பை தாக்குதலின் மூளையாக செயல்பட்ட ஹபீஸ் சயீதை தீவிரவாதி என பாகிஸ்தான் அறிவித்தது
2008-ஆம் ஆண்டு மும்பை தாக்குதலின் போது மூளையாக செயல்பட்ட ஹபீஸ் சயீத்தை தீவிரவாதி என்று பாகிஸ்தான் அறிவித்துள்ளது. #HafizSaeed #2008MumbaiAttack
புதுடெல்லி

பாகிஸ்தானில் இருந்து செயல்படும், லஷ்கர் - இ - தொய்பா அமைப்பின் நிறுவனரும் ஜமாத் உத்தவா அமைப்பின் தலைவருமான ஹபீஸ் சயீது. மும்பையில், 2008ல் நடந்த தாக்குதலின் மூளையாக செயல்பட்ட ஹபீசை தேடப்படும் குற்றவாளியாக, ஐ.நா., அறிவித்து உள்ளது. லஷ்கர்-ஈ-தொய்பா, ஜமாத்-உத்-தவா மற்றும் ஹர்கட்-உல் முஜாஹிதீன் உள்ளிட்ட அமைப்புகளுக்கு தீவிரவாத தடுப்புச் சட்டத்தின் கீழ் ஐநா தடை விதித்துள்ளது.

ஐநா பட்டியலில் மொத்தம் 27 தடை செய்யப்பட்ட தீவிரவாத அமைப்புகள் உள்ளன. ஹபீஸ் சயீதை தீவிரவாதியாக அறிவிக்க அமெரிக்கா, இந்தியா உள்ளிட்ட நாடுகள் தொடர்ந்து அழுத்தம் கொடுத்து வந்தன. இந்நிலையில் பாகிஸ்தானைச் சேர்ந்த தேசிய தீவிரவாத எதிர்ப்பு ஆணையம் ஹபீஸ் சயீதை  அந்த நாடு தீவிரவாதியாக அறிவித்து சட்டம் கொண்டுவந்துள்ளது. இந்த அறிவிப்பை தொடர்ந்து பாகிஸ்தான் போலீசார் ஹபீஸ் சயீதின் ஜமாத்-உத்-தவா அமைப்பின் தலைமையகம் அருகே போடப்பட்டிருந்த தடுப்பு வேலிகளை அப்புறப்படுத்தியுள்ளனர்.

இதன்படி பாகிஸ்தான் சட்டம் ஹபீஸ் சையதை தீவிரவாதி என்றும் ஜமாத்- உத் --தவா அமைப்பை தீவிரவாத அமைப்பாகவும் அறிவித்துள்ளது. ஐநாவால் தடை செய்யப்பட்ட தீவிரவாத அமைப்புகள் மற்றும் தனி நபர்கள் மீது நடவடிக்கை எடுக்குமாறு ஐநா பாதுகாப்பு கவுன்சில் உத்தரவிட்டதையத்து இந்த நடவடிக்கை எடுக்கப்பட்டுள்ளது. தீவிரவாதிகளின் அலுவலகங்கள் மற்றும்   
வங்கிக்கணக்குகளை முடக்கவும் ஐநா பாதுகாப்பு கவுன்சில் அறிவுறுத்தியுள்ளது.


தொடர்புடைய செய்திகள்

1. ஹபீஸ் சயீத்தின் இயக்கம் தனது பணிகளை மேற்கொள்ள பாகிஸ்தான் உச்சநீதிமன்றம் அனுமதி
ஹபீஸ் சயீத்தின் ஜேயூடி இயக்கம் நடத்தி வரும் தொண்டு நிறுவனம் தனது செயல்பாடுகளை மேற்கொள்ள பாகிஸ்தான் உச்ச நீதிமன்றம் அனுமதி அளித்துள்ளது.
2. பாகிஸ்தான் பொதுத்தேர்தல்: ஹபீஸ் சயீத் போட்டியிடவில்லை, 200 வேட்பாளர்களை நிறுத்துகிறார்
ஹூலை மாத இறுதியில் நடைபெற உள்ள பாகிஸ்தான் பொதுத்தேர்தலில், ஹபீஸ் சயீத், தனது கட்சி சார்பில் 200 வேட்பாளர்களை நிறுத்தியுள்ளார்.
3. ஹபீஸ் சயீத்தை வேறுநாட்டிற்கு மாற்ற பாகிஸ்தானிடம் கேட்டுக்கொள்ளவில்லை சீனா மறுப்பு
ஹபீஸ் சயீத்தை வேறுநாட்டிற்கு மாற்ற பாகிஸ்தானிடம் கேட்டுக்கொள்ளவில்லை என சீனா மறுப்பு தெரிவித்து உள்ளது. #HafizSaeed #China