தேசிய செய்திகள்

சுப்ரீம் கோர்ட் நீதிபதியாக கே.எம். ஜோசப்பை நியமிக்க மத்திய அரசுக்கு கொலிஜியம் பரிந்துரைக்க முடிவு + "||" + Crucial SC collegium meet to discuss Justice KM Joseph elevation

சுப்ரீம் கோர்ட் நீதிபதியாக கே.எம். ஜோசப்பை நியமிக்க மத்திய அரசுக்கு கொலிஜியம் பரிந்துரைக்க முடிவு

சுப்ரீம் கோர்ட் நீதிபதியாக  கே.எம். ஜோசப்பை நியமிக்க மத்திய அரசுக்கு கொலிஜியம் பரிந்துரைக்க முடிவு
சுப்ரீம் கோர்ட் நீதிபதியாக கே.எம். ஜோசப்பை நியமிக்க மத்திய அரசுக்கு மீண்டும் தலைமை நீதிபதி தீபக் மிஸ்ரா தலைமையிலான கொலிஜியம் பரிந்துரை செய்து உள்ளது.
புதுடெல்லி

உத்தரகாண்ட் ஐகோர்ட்டு தலைமை நீதிபதி கே.எம். ஜோசப், மூத்த பெண் வக்கீல் இந்து மல்கோத்ரா ஆகிய 2 பேரை சுப்ரீம் கோர்ட்டு நீதிபதிகளாக நியமனம் செய்வதற்கு சுப்ரீம் கோர்ட்டு தலைமை நீதிபதி தலைமையிலான மூத்த நீதிபதிகளை கொண்ட குழு (‘கொலிஜியம்’) மத்திய அரசுக்கு கடந்த ஜனவரி மாதம் 22-ந் தேதி பரிந்துரை செய்தது.

ஆனால் பெண் வக்கீல் இந்து மல்கோத்ரா மீதான பரிந்துரையை ஏற்ற மத்திய அரசு, கே.எம். ஜோசப் மீதான பரிந்துரையை ஏற்காமல், சுப்ரீம் கோர்ட்டு கொலிஜியத்தின் மறுபரிசீலனைக்கு கடந்த 26-ந் தேதி திருப்பி அனுப்பியது.

இது சர்ச்சையை ஏற்படுத்தியது. ஆனால் அகில இந்திய அளவில் ஐகோர்ட்டு நீதிபதிகளின் ஒருங்கிணைந்த பணிமூப்பு பட்டியலில் கே.எம். ஜோசப்பின் பெயர் 45-வது இடத்தில்தான் உள்ளது, தவிரவும் கேரளாவுக்கு போதுமான பிரதிநிதித்துவம் உயர்நீதித்துறையில் அளிக்கப்பட்டு உள்ளது என்பது உள்ளிட்ட காரணங்களை சொல்லி மத்திய அரசு நியாயப்படுத்தியது.

இந்த நிலையில், கே.எம். ஜோசப் மீது ஏற்கனவே செய்த பரிந்துரையை மறு ஆய்வு செய்வதற்கு தலைமை நீதிபதி தீபக் மிஸ்ரா தலைமையில் ‘கொலிஜியம்‘  மே 2 ந்தேதி கூடியது. இதில் மூத்த நீதிபதிகள் செல்லமேஸ்வர், ரஞ்சன் கோகாய், மதன் லோகுர், குரியன் ஜோசப் ஆகியோர் பங்கேற்றனர்.

கே.எம். ஜோசப் பரிந்துரை கோப்பை மத்திய அரசு திருப்பி அனுப்பியது குறித்து, கொலிஜியத்தில் இடம் பெற்றிருந்தவர்கள் விவாதித்தனர். ஆனால் இதில் எந்த முடிவும் எடுக்கவில்லை. முடிவை ‘கொலிஜியம்’ ஒத்திவைத்து விட்டது. இது சுப்ரீம் கோர்ட்டு இணையதளத்தில் தெரிவிக்கப்பட்டு இருந்தது.

இந்த நிலையில்  தலைமை நீதிபதி தீபக் மிஸ்ரா தலைமையில் கொலிஜியம் இன்று கூடி ஆலோசனை நடத்தியது. அப்போது சுப்ரீம் கோர்ட் நீதிபதியாக  கே.எம். ஜோசப்பை நியமிக்க மத்திய அரசுக்கு மீண்டும் தலைமை நீதிபதி தீபக் மிஸ்ரா தலைமையிலான கொலிஜியம் பரிந்துரைக்க  ஒரு மனதாக முடிவு செய்து உள்ளது.

தொடர்புடைய செய்திகள்

1. சிபிஐ இடைக்கால இயக்குநர் நாகேஸ்வரராவ் நியமனத்துக்கு எதிரான வழக்கு: நீதிபதி ரஞ்சன் கோகாய் விலகல்
சிபிஐ இடைக்கால இயக்குநர் நாகேஸ்வரராவ் நியமனத்துக்கு எதிரான வழக்கின் விசாரணையில் இருந்து தலைமை நீதிபதி ரஞ்சன் கோகாய் விலகி உள்ளார்.
2. அயோத்தியில் சர்ச்சைக்குரிய நிலம் தொடர்பான வழக்கு விசாரணை புதிய அமர்வுக்கு மாற்றம்
அயோத்தியில் சர்ச்சைக்குரிய நிலம் தொடர்பான வழக்கு விசாரணையை புதிய அமர்வுக்கு மாற்றி வரும் 10-ந்தேதிக்கு ஒத்திவைத்தது சுப்ரீம் கோர்ட்.
3. தமிழகத்தில் காலையில் ஒரு மணி நேரம் இரவு ஒரு மணி நேரம் பட்டாசு வெடிக்கலாம் - சுப்ரீம் கோர்ட் உத்தரவு
தீபாவளியன்று தமிழகத்தில் காலை 4 மணி முதல் 5 மணிவரை, இரவில் 9 மணி முதல் 10 மணிவரை பட்டாசு வெடிக்கலாம் என சுப்ரீம் கோர்ட் உத்தரவு பிறப்பித்து உள்ளது.
4. பிப்ரவரி மாதத்தில் லோக் ஆயுக்தா அமைக்கப்படும் : சுப்ரீம் கோர்ட்டில் தமிழக அரசு உறுதி
தமிழகத்தில் வரும் பிப்ரவரி மாதம் லோக் ஆயுக்தா அமைக்கப்படும் என சுப்ரீம் கோர்ட்டில் தமிழக அரசு உறுதி அளித்துள்ளது.
5. வார நாட்களில் நீதிபதிகள் விடுப்பு எடுக்கக்கூடாது என சுப்ரீம் கோர்ட் தலைமை நீதிபதி உத்தரவு
வார நாட்களில் நீதிபதிகள் விடுப்பு எடுக்கக்கூடாது என சுப்ரீம் கோர்ட் தலைமை நீதிபதி ரஞ்சன் கோகாய் உத்தரவிட்டுள்ளார்.