தேசிய செய்திகள்

நீரவ் மோடி வழக்கு: சி.பி.ஐ. குற்றப்பத்திரிகை தாக்கல்; பஞ்சாப் தேசிய வங்கியின் முன்னாள் தலைவர் பெயர் சேர்ப்பு + "||" + CBI files charge sheet in Nirav Modi case, names PNB ex chief, senior officials

நீரவ் மோடி வழக்கு: சி.பி.ஐ. குற்றப்பத்திரிகை தாக்கல்; பஞ்சாப் தேசிய வங்கியின் முன்னாள் தலைவர் பெயர் சேர்ப்பு

நீரவ் மோடி வழக்கு:  சி.பி.ஐ. குற்றப்பத்திரிகை தாக்கல்; பஞ்சாப் தேசிய வங்கியின் முன்னாள் தலைவர் பெயர் சேர்ப்பு
நீரவ் மோடியின் நிதி முறைகேடு வழக்கில் பஞ்சாப் தேசிய வங்கியின் முன்னாள் தலைவர் பெயரை குறிப்பிட்டு சி.பி.ஐ. இன்று நீதிமன்றத்தில் குற்றப்பத்திரிகையை தாக்கல் செய்துள்ளது. #NiravModiCase

புதுடெல்லி,

பஞ்சாப் தேசிய வங்கியில் ரூ.6 ஆயிரம் கோடி அளவிற்கு நிதி முறைகேடு நடந்துள்ளது என சி.பி.ஐ.யிடம் அந்த வங்கி புகார் அளித்தது.  அதன் அடிப்படையில் எப்.ஐ.ஆர். பதிவு செய்யப்பட்டது.  பிரபல வைர வியாபாரியான நீரவ் மோடி மற்றும் அவரது உறவினர்கள் உள்பட பலர் இந்த முறைகேடுகளில் ஈடுபட்டு உள்ளனர்.

இந்த வழக்கில் பஞ்சாப் தேசிய வங்கியின் முன்னாள் தலைவர் உஷா அனந்த சுப்ரமணியனிடம் சி.பி.ஐ. சமீபத்தில் விசாரணை நடத்தியது.  கடந்த 2015ம் ஆண்டு முதல் 2017ம் ஆண்டு வரை வங்கியின் மேலாண் இயக்குநர் மற்றும் தலைமை செயல் அதிகாரியாக உஷா இருந்துள்ளார்.

இதுபற்றிய குற்றப்பத்திரிகை மும்பையில் உள்ள சிறப்பு நீதிமன்றத்தில் இன்று சி.பி.ஐ.யால் சமர்ப்பிக்கப்பட்டது.  இதில், பஞ்சாப் தேசிய வங்கியின் செயல் இயக்குநர்கள் கே.வி. பிரம்மாஜி ராவ் மற்றும் சஞ்சீவ் சரண் மற்றும் பொது மேலாளர் (சர்வதேச நடவடிக்கைகள்) நேஹால் ஆஹாத் ஆகியோரது பெயர்களும் சேர்க்கப்பட்டு உள்ளன.

இதில், நீரவ் மோடி, அவரது சகோதரர் நிஷால் மோடி மற்றும் நீரவ் மோடி நிறுவனத்தின் செயல் அதிகாரி சுபாஷ் பரப் ஆகியோரது பங்கு பற்றியும் விளக்கமுடன் சி.பி.ஐ. தகவல் தெரிவித்து உள்ளது.  அடிப்படையில், ரூ.6 ஆயிரம் கோடி அளவிலான நிதி முறைகேடு பற்றிய முதல் எப்.ஐ.ஆர். பதிவுடன் இந்த குற்றப்பத்திரிகை தொடர்புடையது.

எனினும், வழக்கில் தொடர்புடைய மெகுல் சோக்சியின் பங்கு பற்றி அறிக்கையில் எதுவும் விளக்கப்படவில்லை.  அது துணை குற்றப்பத்திரிகைகளில் குறிப்பிடப்படும் என கூறப்படுகிறது.

சி.பி.ஐ.யிடம், பஞ்சாப் தேசிய வங்கி புகார் அளிப்பதற்கு முன்பே நீரவ் மோடி மற்றும் மெகுல் சோக்சி ஆகிய இரண்டு பேரும் நாட்டை விட்டு வெளியேறி விட்டனர்.



தொடர்புடைய செய்திகள்

1. ஏர்செல்-மேக்சிஸ் வழக்கு விசாரணையை முடிக்க சி.பி.ஐ., அமலாக்கப்பிரிவுக்கு மேலும் 3 மாதம் அவகாசம்
தமிழகத்தை சேர்ந்த காங்கிரஸ் மூத்த தலைவர் ப.சிதம்பரம், 2006–ம் ஆண்டு, மத்தியில் மன்மோகன்சிங் தலைமையில் காங்கிரஸ் கூட்டணி ஆட்சி நடைபெற்றபோது, நிதி மந்திரி பதவி வகித்தார்.
2. மல்லையா விவகாரம்; ராகுல் காந்தியின் குற்றச்சாட்டிற்கு சி.பி.ஐ. மறுப்பு
விஜய் மல்லையாவுக்கு எதிரான லுக் அவுட் நோட்டீசை சி.பி.ஐ. இயக்குனர் பலவீனப்படுத்தினார் என்ற ராகுலின் குற்றச்சாட்டை சி.பி.ஐ. மறுத்துள்ளது.
3. கிரிக்கெட் கூட்டமைப்பில் ரூ.43.69 கோடி நிதி முறைகேடு; பரூக் அப்துல்லா மீது சி.பி.ஐ. குற்றப்பத்திரிகை தாக்கல்
ஜம்மு மற்றும் காஷ்மீர் கிரிக்கெட் கூட்டமைப்பு நிதி முறைகேடு குற்றச்சாட்டின் கீழ் முன்னாள் முதல் மந்திரி பரூக் அப்துல்லா உள்பட 4 பேர் மீது சி.பி.ஐ. குற்றப்பத்திரிகை தாக்கல் செய்துள்ளது.
4. நிரவ் மோடியின் வங்கிக்கடன் மோசடி வழக்கு: சி.பி.ஐ. குற்றப்பத்திரிகையில் வங்கி அதிகாரிகளின் 4 பேர் பெயர்கள்
சி.பி.ஐ. குற்றப்பத்திரிகையில் வங்கி அதிகாரிகளின் 4 பேர் பெயர்கள் இடம் பெற்றுள்ளது.