தேசிய செய்திகள்

சாலையில் நடந்த சண்டையில் முதியவர் உயிரிழந்த வழக்கு: சித்துவுக்கு அபராதம் விதித்தது உச்ச நீதிமன்றம் + "||" + Congress' Navjot Singh Sidhu Won't Go To Jail In Road Rage Case, Fined By Supreme Court

சாலையில் நடந்த சண்டையில் முதியவர் உயிரிழந்த வழக்கு: சித்துவுக்கு அபராதம் விதித்தது உச்ச நீதிமன்றம்

சாலையில் நடந்த சண்டையில் முதியவர் உயிரிழந்த வழக்கு: சித்துவுக்கு அபராதம் விதித்தது உச்ச நீதிமன்றம்
சாலையில் நடந்த சண்டையில் முதியவர் உயிரிழந்த வழக்கில் சித்துவுக்கு உச்சநீதிமன்றம் ஆயிரம் ரூபாய் அபராதம் விதித்துள்ளது. #SupremeCourt
புதுடெல்லி,

முன்னாள் கிரிக்கெட் வீரரும், தற்போது, காங்கிரஸ் தலைமையிலான, பஞ்சாப் மாநில அமைச்சரவையில் இடம் பெற்றுள்ளவருமான, நவ்ஜோத் சிங் சித்து, கடந்த, 1988-ல், பஞ்சாப் மாநிலம் பாட்டியாலாவில், சாலையில் குர்னம் சிங் 65, என்பவருடன் ஏற்பட்ட சண்டையில், அவரது தலையில் நவ்ஜோத் சிங் சித்து பலமாக தாக்கினார்; இதில் படுகாயமடைந்த, குர்னம் சிங், சில நாட்களுக்கு பின் உயிரிழந்தார்.

இந்த வழக்கை விசாரித்த கீழ் நீதிமன்றம், சித்துவை விடுவித்தது. இருப்பினும், பஞ்சாப் - ஹரியானா உயர் நீதிமன்றம் 2007-ம் ஆண்டு, சித்துவை குற்றவாளி என அறிவித்தது. அவருக்கு, மூன்று ஆண்டு சிறைத் தண்டனையும்,ரூ. 1 லட்சம் அபராதம் விதிக்கப்படுவாக நீதிபதிகள் அறிவித்தனர்.வழக்கில் தன்னை விடுவிக்கக் கோரி, உச்ச நீதிமன்றத்தில், சித்து மேல் முறையீட்டு மனு தாக்கல் செய்தார். உச்ச நீதிமன்ற நீதிபதிகள், செலமேஸ்வர், சஞ்சய் கிஷண் கவுல் ஆகியோர் அடங்கிய அமர்வு முன், கடந்த மாதம் 14-ம் தேதிவிசாரணைக்கு வந்தது. 

அப்போது, பஞ்சாப் மாநில அரசு சார்பில் ஆஜரான வழக்கறிஞர், ''சித்துவுக்கு மூன்று ஆண்டு சிறைத் தண்டனை விதித்து, பஞ்சாப் - ஹரியானா உயர் நீதிமன்றம் பிறப்பித்த உத்தரவில் தவறு இல்லை,'' என்றார். இந்த வழக்கில் இரு தரப்பு  வாதங்கள் முடிந்ததையடுத்து, இன்று தீர்ப்பு வெளியிடப்பட்டது. இதில், சித்துவுக்கு அபராதம் மட்டும் விதித்து உச்ச நீதிமன்றம் தீர்ப்பு வழங்கியது. இதன்மூலம், 30 ஆண்டுகளாக நடைபெற்ற இந்த வழக்கில், சிறை தண்டனையில் இருந்து சித்து தப்பினார். வெறும் ஆயிரம் ரூபாய் மட்டும் சித்துவுக்கு உச்ச நீதிமன்றம் அபராதமாக விதித்துள்ளது. 


தொடர்புடைய செய்திகள்

1. மாலத்தீவு : தேர்தல் முடிவை எதிர்த்த அதிபரின் மனு மீதான விசாரணை துவக்கம்
மாலத்தீவு அதிபர் தேர்தலில் தோல்வி அடைந்த அதிபர் அப்துல்லா யாமீன், தாக்கல் செய்த மனுவை அந்நாட்டு உச்ச நீதிமன்றம் விசாரணைக்கு எடுத்துக்கொண்டுள்ளது.
2. சபரிமலை தீர்ப்பை எதிர்த்து மறு சீராய்வு மனு இல்லை -பினராயி விஜயன் அறிவிப்பு
சபரிமலை தீர்ப்பை எதிர்த்து மறு சீராய்வு மனு தாக்கல் செய்யப்போவது இல்லை என்று பினராயி விஜயன் தெரிவித்துள்ளார்.
3. ஸ்டெர்லைட் ஆலை விவகாரம்: தமிழக அரசின் மேல் முறையீட்டு மனு மீது வரும் திங்கள் கிழமை விசாரணை
ஸ்டெர்லைட் விவகாரத்தில் விசாரணை ஆணையம் அமைத்த தேசிய பசுமை தீர்ப்பாயத்தின் உத்தரவை எதிர்த்து தமிழக அரசு மேல்முறையீடு செய்துள்ளது.
4. ஸ்டெர்லைட் ஆலை விவகாரம்: தமிழக அரசின் கோரிக்கையை ஏற்றது உச்ச நீதிமன்றம்
ஸ்டெர்லைட் ஆலைக்கு எதிரான உத்தரவை அவசரமாக மனுவாக விசாரிக்க வேண்டும் என்ற தமிழக அரசின் கோரிக்கையை உச்ச நீதிமன்றம் ஏற்றுக்கொண்டது.
5. நீதிபதி கே.எம் ஜோசப் விவகாரம்: கொலிஜியம் பரிந்துரைக்கு மத்திய அரசு ஒப்புதல்
நீதிபதி கே.எம் ஜோசப் பதவி உயர்வுக்கு கொலிஜியம் அளித்த பரிந்துரையை மத்திய அரசு ஏற்றுக் கொண்டுள்ளது.