தேசிய செய்திகள்

நள்ளிரவு முதல் நடைப்பெற்ற விவாதத்தில் எடியூரப்பா முதல்வராக பதவியேற்பதில் தடையில்லை -உச்சநீதிமன்றம் உத்தரவு + "||" + The three-judge bench of Supreme Court refuses to stay swearing-in ceremony of BJP's BS Yeddyurappa as Karnataka Chief Minister

நள்ளிரவு முதல் நடைப்பெற்ற விவாதத்தில் எடியூரப்பா முதல்வராக பதவியேற்பதில் தடையில்லை -உச்சநீதிமன்றம் உத்தரவு

நள்ளிரவு முதல்  நடைப்பெற்ற விவாதத்தில் எடியூரப்பா முதல்வராக பதவியேற்பதில் தடையில்லை -உச்சநீதிமன்றம் உத்தரவு
கா்நாடகாவில் எடியூரப்பா முதல்வராக பதவியேற்பதை எதிா்த்து தாக்கல் செய்யப்பட்ட மனுவை உச்சநீதிமன்றம் நீதிபதிகள் மறுப்பு தெரிவித்துள்ளனா். #KarnatakaElections
பெங்களுரூ,

கர்நாடகாவில் ஆட்சியமைக்க எடியூரப்பாவுக்கு ஆளுநர் அழைப்பு விடுத்தாா். பின்னர் பதவியேற்பு நாளில் இருந்து 15 நாட்களுக்குள் பெரும்பான்மையை நிரூபிக்க ஆளுநர் உத்தரவு பிறப்பித்தார்.

இதைத்தொடா்ந்து கா்நாடகாவில் பாஜகவை ஆட்சியமைக்க ஆளுநா் அழைத்ததை எதிா்த்து உச்ச நீதிமன்றத்தில் காங்கிரஸ் மனு அளித்தது. முதல்வா் பதவியேற்பு நடந்த பின்னா் வழக்கு தொடுத்தால் பல சட்டசிக்கல்கள் ஏற்படும் என்பதால், மனுவை இரவே விசாரிக்க காங்கிரஸ் வலியுறுத்தி வந்தது. 

இது தொடா்பாக உச்சநீதிமன்ற தலைமை  நீதிபதி தீபக் மிஸ்ராவும் பதிவாளா் ரவீந்திரா மைத்தானியும் அரை மணி நேரத்திற்கு மேலாக ஆலோசனை நடத்தினா். பின்னா் உச்ச நீதிமன்ற தலைமைநீதிபதி  தலைமையிலான 3 நீதிபதிகள் கொண்ட அமர்வில் இரவு 1.45 மணிக்கு  விசாரணை நடத்த முடிவு செய்யப்பட்டது.

பின்னா் துல்லியமாக 1.45 மணிக்கு உச்சநீதிமன்ற நீதிபதிகள் ஏ.கே.சிக்ரி, அசோக் பூஷன், பாப்டே ஆகியோர் அடங்கிய  விசாரணை குழு அறை எண் 6இல் மனுவை விசாரிக்க தொடங்கினா்.  நீதிபதிகள் தரப்பில் கேட்டிருந்த போது  எடியூரப்பாவுக்கு தடை விதிக்க வாய்ப்பு இருக்காது என்று தன்னுடைய கருத்தை முன்கூட்டியே தெரிவித்தனா்.

 பாஜக சாா்பில் முன்னாள் அரசு தலைமை வழக்கறிஞா் முகுல்  ரோஹத்தியும் ஆஜராகினாா். காங்கிரஸ் தாக்கல் செய்யப்பட்ட மனுவிற்கு முகுல் தரப்பில் கடும் எதிர்ப்பு தெரிவித்தார். 

எடியூரப்பா தரப்பு வழக்கறிஞர் முகுல் ரோஹத்கி கூறியாதவது, 

“ஆளுநரின் முடிவில் நீதிமன்றம் தலையிட முடியாது”என்றும் “எடியூரப்பா பதவியேற்றால் வானம் இடிந்து விழுந்துவிடுமா?” என கேள்வி எழுப்பினா். அனைவரும் உறங்கிக்கொண்டிருக்கும் போது நள்ளிரவில் விசாரணை செய்வது தேவையற்றது.  இவ்வாறு அவா் தன்னுடைய கருத்துகளை முன் வைத்தாா்.

பின்னா் பதவியேற்பை தள்ளிவைப்பதற்காக காங்கிரஸ் தரப்பில் பல்வேறு கோரிக்கைகளையும் முன்னிருத்தினா். இதில் அபிஷேக் சிங்வி ( காங்கிரஸ்-மஜத தரப்பு வழக்கறிஞர்) பல மணி நேரம் வாதாடினா், மேலும் இவா் வாதாடிய போது,

“நாங்கள் கர்நாடக ஆளுநரை எதிர்க்கவில்லை; கர்நாடகாவில் எடியூரப்பாவை ஆட்சியமைக்க அழைத்த அவரின் முடிவைதான் எதிர்க்கிறோம்” என்றும் “ஆளுநாின் செயல் ஜனநாயகத்திற்கு எதிரானது”என்றாா். பின்னா் “குடியரசுத்தலைவா் முடிவிலேயே நீதிமன்றம் தலையிடலாம் எனும் போது ஆளுநா் முடிவிலும் தலையிடலாம்” என்று பதில் அளித்தாா். கடைசி தருவாயில் பதவியேற்பையாவது தள்ளிவையுங்கள் என்று கூறினாா். 

இந்நிலையில் சுமாா் இரண்டு மணி நேரத்திற்கு பிறகு எடியூரப்பா முதல்வராக பதவியேற்பை எதிா்த்து  தாக்கல் செய்யப்பட்ட மனுவை உச்சநீதிமன்ற  நீதிபதிகள் மறுப்பு தெரிவித்துள்ளனா். ஆனால் வழக்கு தொடா்ந்து நடைப்பெற்று வருகிறது.

தொடர்புடைய செய்திகள்

1. சுப்ரீம் கோர்ட்டுக்கு 2 புதிய நீதிபதிகள் நியமனம்; குடியரசு தலைவர் ராம்நாத் கோவிந்த் ஒப்புதல்
சுப்ரீம் கோர்ட்டுக்கு 2 புதிய நீதிபதிகளை நியமித்து குடியரசு தலைவர் ராம்நாத் கோவிந்த் உத்தரவு பிறப்பித்துள்ளார்.
2. கஜா புயல்; அரசு மேற்கொள்ளும் நிவாரண பணிகளை உயர் நீதிமன்றம் கண்காணிக்கும்: நீதிபதிகள்
கஜா புயல் அரசு மேற்கொள்ளும் நிவாரண பணிகளை உயர் நீதிமன்றம் கண்காணிக்கும் என நீதிபதிகள் தெரிவித்துள்ளனர்.
3. பழனி முருகன் கோவிலில் நீதிபதிகள் ஆய்வு
பழனி முருகன் கோவிலில் நேற்று நீதிபதிகள் ஆய்வு செய்தனர். அப்போது பக்தர்களிடம் குறைகளை கேட்டறிந்தனர்.
4. சுப்ரீம் கோர்ட்டில் இந்திரா பானர்ஜி உள்பட 3 பேர் நீதிபதிகளாக இன்று பதவியேற்பு
சுப்ரீம் கோர்ட்டு நீதிபதிகளாக இந்திரா பானர்ஜி, வினீத் சரண் மற்றும் கே.எம். ஜோசப் ஆகியோர் இன்று பதவியேற்று கொண்டனர்.