தேசிய செய்திகள்

பாஜக ஆட்சி அமைத்தது ஜனநாயகத்தை கேலிக்கூத்தாக்கும் செயல்: ராகுல் காந்தி + "||" + The BJP’s irrational insistence that it will form a Govt : Rahul

பாஜக ஆட்சி அமைத்தது ஜனநாயகத்தை கேலிக்கூத்தாக்கும் செயல்: ராகுல் காந்தி

பாஜக ஆட்சி அமைத்தது ஜனநாயகத்தை கேலிக்கூத்தாக்கும் செயல்: ராகுல் காந்தி
பெரும்பான்மை இல்லாமல் பாஜக ஆட்சி அமைத்தது ஜனநாயகத்தை கேலிக்கூத்தாக்கும் செயல் என்று ராகுல் காந்தி கடும் விமர்சனம் செய்துள்ளார். #RahulGandhi #Karnataka
புதுடெல்லி,

நடந்து முடிந்த கர்நாடக சட்டமன்ற தேர்தலில் எந்த கட்சிக்கும் பெரும்பான்மை கிடைக்காத நிலையில், 104 தொகுதிகளில் வென்று தனிப்பெரும் கட்சியாக வெற்றி பெற்ற பாரதீய ஜனதா ஆட்சி அமைக்க அழைப்பு விடுக்குமாறு ஆளுநரை சந்தித்து உரிமை கோரியது. 

அதேவேளையில், காங்கிரஸ் - மஜத கட்சிகள் கூட்டணி அமைத்து தங்கள் கூட்டணிக்கே பெரும்பான்மை இருப்பதாக கூறி தங்களை ஆட்சி அமைக்க அழைக்க வேண்டும் என்று உரிமை கோரியது. சட்ட ஆலோசனைகளை நடடத்திய ஆளுநர் வாஜூபாய் வாலா, எடியூரப்பாவை ஆட்சி அமைக்க அழைப்பு விடுத்தார். 15 நாட்களுக்குள் பெரும்பான்மையை நிரூபிக்க வேண்டும் என்றும் உத்தரவிட்டார். 

எடியூரப்பாவுக்கு ஆட்சி அமைக்க ஆளுநர் அழைப்பு விடுத்ததற்கு எதிராக உச்ச நீதிமன்றத்தில் காங்கிரஸ் முறையிட்டது. காங்கிரஸ்  முறையீட்டை ஏற்றுக்கொண்டு நள்ளிரவிலேயே உச்ச நீதிமன்றம் விசாரணை நடத்தியது. விடிய விடிய விசாரணை நடத்திய உச்ச நீதிமன்றம், எடியூரப்பா முதல் மந்திரியாக பதவியேற்க தடை விதிக்க மறுத்து விட்டது. நாளை (வெள்ளிக்கிழமை) காலை 10.30 மணிக்கு வழக்கை ஒத்திவைத்த உச்ச நீதிமன்றம், ஆளுநருக்கு அளித்த கடிதத்தின் நகலை  எடியூரப்பா தாக்கல் செய்ய வேண்டும் என்றும் உத்தரவிட்டது. 

 உச்ச நீதிமன்றம் தடை விதிக்க மறுத்ததையடுத்து, எடியூரப்பா எந்த வித சிக்கலும் இன்றி முதல் அமைச்சராக பதவியேற்க வழி கிடைத்தது. இதையடுத்து, இன்று காலை, ஆளுநர் மாளிகையில் நடைபெற்ற நிகழ்ச்சியில் முதல் அமைச்சராக எடியூரப்பா பதவியேற்றுக்கொண்டார்.

இந்த நிலையில், பெரும்பான்மை இல்லாமல் பாஜக ஆட்சி அமைத்தது ஜனநாயகத்தை கேலிக்கூத்தாக்கும் செயல் என்று ராகுல் காந்தி விமர்சனம் செய்துள்ளார். காங்கிரஸ் கட்சியின் தலைவர் ராகுல் காந்தி  டுவிட்டரில் வெளியிட்டுள்ள பதிவில் தெரிவித்து இருப்பதாவது:- பெரும்பான்மை இல்லாமல் பாஜக ஆட்சி அமைத்தது ஜனநாயகத்தை கேலிக்கூத்தாக்கும் செயல். பாஜக, வெற்றியை கொண்டாடும் வேளையில், ஜனநாயகம் தோற்கடிக்கப்பட்டதற்கு இந்தியா வருத்தம் கொள்ளும்” இவ்வாறு அவர் தெரிவித்துள்ளார். 



தொடர்புடைய செய்திகள்

1. தமிழகத்தில் பாஜகவின் வளர்ச்சி பிற கட்சியினரை விமர்சனம் செய்ய வைக்கிறது -தமிழிசை சவுந்தரராஜன்
தமிழகத்தில் பாஜகவின் வளர்ச்சி பிற கட்சியினரை விமர்சனம் செய்ய வைக்கிறது என தமிழக பாஜக தலைவர் தமிழிசை சவுந்தரராஜன் கூறி உள்ளார். #TamilisaiSoundararajan
2. ரபேல் விவகாரம்: விசாரணை நடத்தக்கோரி சிஏஜியிடம் முறையிட காங்கிரஸ் முடிவு
ரபேல் போர் விமான ஒப்பந்த விவகாரத்தில் விசாரணை நடத்தக்கோரி சிஏஜியிடம் காங்கிரஸ் இன்று மனு அளிக்க உள்ளது.
3. ராகுல் காந்தி வருகையை முன்னிட்டு போபால் நகரில் களை கட்டிய வரவேற்பு பேனர்கள்
ராகுல் காந்தி வருகையை முன்னிட்டு போபால் நகரில் வழிநெடுக பேனர்களை காங்கிரஸ் தொண்டர்கள் வைத்துள்ளனர்.
4. பிரதமர் மோடிக்கு காங்கிரஸ் தலைவர் ராகுல் காந்தி பிறந்த நாள் வாழ்த்து
பிரதமர் மோடிக்கு காங்கிரஸ் தலைவர் ராகுல் காந்தி பிறந்த நாள் வாழ்த்துக்களை தெரிவித்து உள்ளார்.
5. மல்லையா விவகாரம்; ராகுல் காந்தியின் குற்றச்சாட்டிற்கு சி.பி.ஐ. மறுப்பு
விஜய் மல்லையாவுக்கு எதிரான லுக் அவுட் நோட்டீசை சி.பி.ஐ. இயக்குனர் பலவீனப்படுத்தினார் என்ற ராகுலின் குற்றச்சாட்டை சி.பி.ஐ. மறுத்துள்ளது.