உலக செய்திகள்

பேச்சுவார்த்தை சமாதானத்திற்கு வழிவகுக்கும் என நம்புகிறேன்: வடகொரிய அதிபர் கிம் ஜாங் அன் + "||" + We overcame all kinds of skepticism and speculations about this summit & I believe that this is good for the peace: Kim Jong Un

பேச்சுவார்த்தை சமாதானத்திற்கு வழிவகுக்கும் என நம்புகிறேன்: வடகொரிய அதிபர் கிம் ஜாங் அன்

பேச்சுவார்த்தை சமாதானத்திற்கு வழிவகுக்கும் என நம்புகிறேன்: வடகொரிய அதிபர் கிம் ஜாங் அன்
பேச்சுவார்த்தை சமாதானத்திற்கு வழிவகுக்கும் என நம்புகிறேன் என்று வடகொரிய அதிபர் கிம் ஜாங் அன் தெரிவித்துள்ளார். #KimJongUn #DonaldTrump #SingaporeSummit
சிங்கப்பூர்,

பெரும் எதிபார்ப்புக்கு மத்தியில் வடகொரிய அதிபர் கிம் ஜாங் அன் - அமெரிக்க அதிபர் டொனால்டு டிரம்ப் இடையேயான சந்திப்பு இன்று சிங்கப்பூரில் நடைபெற்றது.  சிங்கப்பூர் சென்டோசா தீவில் உள்ள  கேபெல்லா ஹோட்டலில்  வடகொரியா அதிபர் கிம் ஜாங் அன் - அமெரிக்க அதிபர் டொனால்டு டிரம்ப் இடையேயான சந்திப்பு நடைபெற்றது.  

உலக நாடுகள் உற்று நோக்கிய இந்த சந்திப்பு சுமார் 48 நிமிடங்கள் நீடித்தது. இரு நாட்டு தலைவர்களும் நேரடியாக சந்தித்துக்கொள்வது வரலாற்றில் இதுதான் முதல் தடவையாகும். இந்த சந்திப்பின் போது, அணு ஆயுத கைவிடல், பொருளாதார பிரச்சினை ஆகியவை குறித்து இரு தலைவர்களும் ஆலோசனை நடத்தினர்.  சந்திப்புக்கு பிறகு, பால்கனியில் வந்து இரு தலைவர்களும் செய்தியாளர்களை பார்த்து கையசைத்தனர்.

சந்திப்புக்கு பிறகு கருத்து தெரிவித்த டொனால்டு டிரம்ப் கிம் ஜாங் அன் - உடனான சந்திப்பு சிறப்பாக அமைந்ததாக என்றார். டிரம்ப் மேலும் கூறும் போது, “ கிம் ஜாங் அன்னுடனான நேரடி பேச்சுவார்த்தை சிறப்பாக அமைந்தது.  நானும், கிம் ஜாங் அன்னும் இணைந்து மிகப்பெரும் பிரச்சினை, குழப்பங்களுக்கு தீர்வு காண்போம். அணு விவகாரத்தை பொறுத்தவரை இணைந்து பணியாற்றி, அதை கவனத்தில் எடுத்துக்கொண்டு செயல்படுவோம்” என்றார். 

வடகொரிய அதிபர் கிம் ஜாங் அன் கூறும் போது, ” அனைத்து தடைகளும் கலைந்து இந்த சந்திப்பு நடைபெற்றுள்ளது. பேச்சுவார்த்தை சமாதானத்திற்கு வழிவகுக்கும் என நம்புகிறேன். அனைத்து சந்தேகங்களையும் பேசித்தீர்த்துக்கொண்டோம்” என்றார். 


தொடர்புடைய செய்திகள்

1. அரசுத்துறைகள் முடக்கம் ஒருவருடம் கூட நீடிக்கும்: டிரம்ப் எச்சரிக்கை
அரசுத்துறைகள் முடக்கம் ஒருவருடம் கூட நீடிக்கும் என்று அமெரிக்க அதிபர் டொனால்டு டிரம்ப் எச்சரிக்கை விடுத்துள்ளார்.
2. இந்திய மக்களுக்கு அமெரிக்கா துணை நிற்கும்- அமெரிக்க அதிபர் டொனால்டு டிரம்ப்
இந்திய மக்களுக்கு அமெரிக்கா துணை நிற்கும் என்று அமெரிக்க அதிபர் டொனால்டு டிரம்ப் தனது டுவிட்டரில் தெரிவித்துள்ளார்.
3. அமெரிக்க அதிபர் டிரம்பின் விக்கிப்பிடியா பக்கத்தில் அவருக்கு பதில் வேறு படம் ஹேக்கர்கள் கைவரிசை
அமெரிக்க அதிபர் டிரம்பின் விக்கிப்பிடியா பக்கத்தில் அவர் இருக்கும் புகைப்படத்திற்கு பதிலா ஹேக்கர்கள் அசிங்கமான புகைப்படம் ஒன்றை பதிவேற்றம் செய்ததால், அதைக் கண்ட பலரும் அதிர்ச்சியடைந்துள்ளனர்.
4. ஈரானுக்கு எதிராக தொடர்ந்து அழுத்தம் கொடுக்கப்படும்; அமெரிக்க வெளியுறவு துறை மந்திரி
ஈரானுக்கு எதிராக தொடர்ந்து அழுத்தம் கொடுக்கப்படும் என அமெரிக்க வெளியுறவு துறை மந்திரி தெரிவித்துள்ளார்.
5. பிறப்பு குடியுரிமை ரத்து: டொனால்டு டிரம்ப் முடிவுக்கு எதிராக வலுக்கும் விமர்சனங்கள்
பிறப்பு குடியுரிமை ரத்து செய்யப்படும் என அறிவித்த டொனால்டு டிரம்ப்புக்கு எதிராக கடும் விமர்சனங்கள் எழும்பியுள்ளன.