தேசிய செய்திகள்

திருப்பதி வந்த அமித்ஷாவை கொல்ல சந்திரபாபு நாயுடு சதி ஆந்திர பாஜக தலைவர் குற்றச்சாட்டு + "||" + Kanna accuses N Chandrababu Naidu of trying to kill Amit Shah

திருப்பதி வந்த அமித்ஷாவை கொல்ல சந்திரபாபு நாயுடு சதி ஆந்திர பாஜக தலைவர் குற்றச்சாட்டு

திருப்பதி வந்த அமித்ஷாவை கொல்ல சந்திரபாபு நாயுடு  சதி ஆந்திர பாஜக தலைவர் குற்றச்சாட்டு
ஆந்திர மாநில பாரதீய ஜனதா தலைவர் கண்ணா லட்சுமி நாராயணா ஆந்திர முதல்வர் சந்திரபாபு நாயுடு அமித்ஷா தனது குடும்பத்தினருடன் திருப்பதி வந்திருந்த போது அவரை கொல்ல சதி செய்ததாக குற்றம் சாட்டினார்.
விஜயவாடா

 விஜயவாடாவில் நடைபெற்ற ஆர்ப்பாட்டத்தின் போது  மாநில பாரதீய ஜனதா தலைவர் கண்ணா லட்சுமி நாராயணா பேசியதாவது:-

தெலுங்கு தேசம் கட்சியின் தொண்டர்களும் போலீஸாரும் பாஜக மேலவை உறுப்பினர் சோமு வீரராஜு மீது தாக்குதல் நடத்த திட்டமிட்டனர். சந்திரபாபு நாயுடு அரசை பற்றி யாரேனும் கேள்வி கேட்டால் போதும் அவர்களுக்கு எதிராக போலீஸார் வழக்கு பதிவு செய்கின்றனர்.

உங்கள் வயதை வைத்து நீங்கள் மாறியிருப்பீர்கள் என மோடி நினைத்தார். ஆனால் நீங்கள் ( நாயுடு) இன்னும் மாறவில்லை. திருப்பதி கோயிலில் அமித் ஷா சாமி கும்பிட குடும்பத்தினருடன் வந்திருந்தார். அப்போது ஆந்திரத்துக்கு சிறப்பு அந்தஸ்து வழங்கக் கோரி தெலுங்கு தேச கட்சியினரை வைத்து போராட்டம் நடத்தினார்.

அப்போது அமித்ஷாவின் வாகனத்தின் மீது கல் எறியப்பட்டதை அனைவரும் பார்த்தனர். போராட்டம் என்ற பெயரில் அவரை படுகொலை செய்ய சந்திரபாபு நாயுடு திட்டமிட்டார். ஆனால் டிஜிபி மலகொண்டையா தனது அறிக்கையில் ஏதோ குச்சி வந்து காரில் விழுந்ததாக கூறினார் என்று கண்ணா பகீர் குற்றச்சாட்டை முன்வைத்தார்.

நாயுடு அரசு எல்லாவகையிலும் ஊழலில் ஈடுபட்டுள்ளது. ஊழல் விவகாரத்தை எழுத 300 பக்கங்கள் போதாது. சந்திரபாபு நாயுடு சிறப்பு விமானங்களில் பயணிக்கிறார், 7 நட்சத்திர விடுதிகளில் தங்குகிறார். வாஜ்பாயை சந்திரபாபு நாயுடு ஏமாற்றியதை அறிந்தே பிரதமர் மோடி தேசிய ஜனநாயக கூட்டணியில் இணைந்தார்

இதுகுறித்து தெலுங்கு சேத கட்சியின் ஆந்திர மாநில தலைவர் கிமிடி காலா வெங்கட ராவ் கூறுகையில், கண்ணா கூறிய குற்றச்சாட்டுகளை மறுக்கிறோம். அவர் கூறும் குற்றச்சாட்டுகளுக்கு ஆதாரம் இருக்கிறதா. அமித்ஷா திருப்பதிக்கு வந்தபோது எங்கள் கட்சி சார்பில் எந்த போராட்டத்துக்கு நாங்கள் அழைப்புவிடுக்கவில்லையே என்றார்.

தொடர்புடைய செய்திகள்

1. டெல்லியில் சந்திரபாபு நாயுடு உண்ணாவிரதம் - ராகுல் காந்தி உள்ளிட்ட தலைவர்கள் நேரில் சந்தித்து ஆதரவு
சந்திரபாபு நாயுடு நேற்று டெல்லியில் உண்ணாவிரதம் இருந்தார். ராகுல் காந்தி உள்ளிட்ட தலைவர்கள் அவரை நேரில் சந்தித்து ஆதரவு தெரிவித்தனர்.
2. சந்திரபாபு நாயுடு உண்ணாவிரத போராட்டத்தில் பங்கேற்க வந்த மாற்றுத்திறனாளி தற்கொலை
சந்திரபாபு நாயுடு உண்ணாவிரத போராட்டத்தில் பங்கேற்க வந்த மாற்றுத்திறனாளி தற்கொலை செய்து கொண்டார்.
3. ஆந்திராவின் சுயமரியாதை மீது தாக்குதல் நடத்தினால் பொறுத்துக்கொள்ள மாட்டோம்: சந்திரபாபு நாயுடு ஆவேசம்
ஆந்திராவின் சுயமரியாதை மீது தாக்குதல் நடத்தினால் பொறுத்துக்கொள்ள மாட்டோம் என்று அம்மாநில முதல் மந்திரி சந்திரபாபு நாயுடு தெரிவித்தார்.
4. டெல்லியில் சந்திரபாபு நாயுடு இன்று உண்ணாவிரதம் - ஆந்திராவுக்கு சிறப்பு அந்தஸ்து வழங்க கோரி போராட்டம்
ஆந்திராவுக்கு சிறப்பு அந்தஸ்து வழங்க கோரி, டெல்லியில் சந்திரபாபு நாயுடு இன்று உண்ணாவிரத போராட்டம் நடத்த உள்ளார்.
5. மத்திய அரசுக்கு எதிராக டெல்லியில் மாபெரும் போராட்டம் நடத்த சந்திரபாபு நாயுடு திட்டம்
மத்திய அரசுக்கு எதிராக டெல்லியில் மாபெரும் போராட்டம் நடத்த சந்திரபாபு நாயுடு அரசு திட்டமிட்டுள்ளது.