தேசிய செய்திகள்

உடல் திறனைவிட, மாநில வளர்ச்சியையே அதிகம் விரும்புபவன் நான்: கர்நாடக முதல்வர் குமாரசாமி + "||" + To Prime Minister’s Fitness Challenge, HD Kumaraswamy Says “Thanks, But

உடல் திறனைவிட, மாநில வளர்ச்சியையே அதிகம் விரும்புபவன் நான்: கர்நாடக முதல்வர் குமாரசாமி

உடல் திறனைவிட, மாநில வளர்ச்சியையே அதிகம் விரும்புபவன் நான்: கர்நாடக முதல்வர் குமாரசாமி
உடல் திறனைவிட, மாநில வளர்ச்சியையே அதிகம் விரும்புபவன் நான், இதற்கான ஒத்துழைப்பை பிரதமரிடம் எதிர்பார்க்கிறேன் என்று குமாரசாமி தெரிவித்து உள்ளார். #Kumaraswamy #PMModi
பெங்களூரு,

மத்திய விளையாட்டுத்துறை மந்திரி ராஜ்யவர்தன் சிங் ரத்தோர் உடற்பயிற்சி செய்வது போன்ற வீடியோவை கடந்த மாதம் வெளியிட்டார். நாம் ஃபிட்டாக இருந்தால் தான் நாடு ஃபிட்டாக இருக்கும், அதனால் அனைவரும் உடற்பயிற்சி செய்ய வேண்டும் என்று வலியுறுத்தி விராட் கோலி, சாய்னா நேவால், ஹிர்த்திக் ரோஷன் ஆகியோரை டேக் செய்திருந்தார் ரத்தோர்.
 
இதையடுத்து, ரத்தோரின் சவாலை ஏற்றுக்கொண்ட கோலி, தானும் உடற்பயிற்சி செய்வது போன்ற வீடியோவை டுவிட்டரில் வெளியிட்டு, அதில் தன் மனைவி அனுஷ்கா சர்மா, பிரதமர் மோடி, டோனி ஆகியோரை டேக் செய்தார். இந்த சவாலை ஏற்ற பிரதமர் மோடி, தனது உடற்பயிற்சி வீடியோவை விரைவில் வெளியிடுவேன் என கூறியிருந்தார்.

இந்நிலையில், விராட் கோலியின் சவாலை ஏற்று உடற்பயிற்சி மற்றும் யோகா செய்யும் வீடியோவை பிரதமர் மோடி இன்று வெளியிட்டார். காலை நேர உடற்பயிற்சி மற்றும் யோகா மட்டுமின்றி பஞ்சபூத தத்துவத்தை விளக்கும் நடைபாதையில் நடைபயிற்சி மேற்கொள்வதை வீடியோ எடுத்து பதிவு செய்துள்ளார். இந்த பயிற்சிகள் தனக்கு புத்துணர்ச்சி தருவதாகவும் அவர் குறிப்பிட்டுள்ளார். அத்துடன், கர்நாடக முதல்வர் குமாரசாமிக்கும் பிரதமர் மோடி பிட்னஸ் சவால் விடுத்து இருந்தார். 

இந்த நிலையில், மோடியின் பிட்னஸ் சவால் குறித்து கர்நாடக முதல் மந்திரி குமாரசாமி,  எனது உடல் பிட்னசைவிட கர்நடக மாநில வளர்ச்சி பிட்னஸ்தான் முக்கியம் என்று தெரிவித்துள்ளார். இது குறித்து தனது அலுவலகத்தின் அதிகாரப்பூர்வ டுவிட்டரில் குமாரசாமி வெளியிட்டுள்ள பதிவில் கூறியிருப்பதாவது:-

 “ எனது உடல்நலம் பற்றி அக்கறை கொண்டதற்கு பிரதமர் மோடிக்கு நன்றியை தெரிவித்துக் கொள்கிறேன். உடல்நலம் அனைவருக்கும் முக்கியம் என்பதை நான் நம்புகிறேன். எனது தினசரி உடற்பயிற்சியில் யோகா, டிரெட்மில் ஆகியவை இடம் பெற்றுள்ளது. இருந்தாலும், எனது மாநிலத்தின் வளர்ச்சி பற்றியே நான் அதிகம் அக்கறை கொள்பவன். மாநிலத்தின் வளர்ச்சிக்கு  உங்கள் ஆதரவு தேவை ” இவ்வாறு அவர் தெரிவித்துள்ளார். 



தொடர்புடைய செய்திகள்

1. ஒவ்வொரு இந்தியரின் மனதிலும், சிந்தனையிலும் அப்துல்கலாம் வாழ்ந்து கொண்டிருக்கிறார்: பிரதமர் மோடி
ஒவ்வொரு இந்தியரின் மனதிலும், சிந்தனையிலும் அப்துல்கலாம் வாழ்ந்து கொண்டிருக்கிறார் என்று பிரதமர் மோடி புகழாரம் சூட்டியுள்ளார்.
2. பிரதமர் மோடி ரபேல் போர் விமான ஒப்பந்த விவரங்களை மறைக்கிறார் - காங்கிரஸ் குற்றச்சாட்டு
பிரதமர் மோடி ரபேல் போர் விமான ஒப்பந்த விவரங்களை மறைக்கிறார் என காங்கிரஸ் குற்றம் சாட்டியுள்ளது.
3. கர்நாடக முதல் மந்திரியுடன் ராகுல் காந்தி திடீர் சந்திப்பு
கர்நாடக முதல் மந்திரி குமாரசாமியை காங்.தலைவர் ராகுல் காந்தி சந்தித்து பேசினார்.
4. இரவு நேரத்தில் பணிபுரியும் பெண்களின் இன்னல்களை அகற்றி மத்திய அரசு பாதுகாப்பு வழங்கிறது - பிரதமர் மோடி
இரவு நேரத்தில் பணியாற்றும் பெண்களின் இன்னல்களை அகற்றி மத்திய அரசு உரிய பாதுகாப்பு வழங்கிறது என்று பிரதமர் நரேந்திர மோடி கூறியுள்ளார்.
5. ரபேல் விவகாரத்தில், மோடி மீது விசாரணை நடத்த வேண்டும் ராகுல் காந்தி வலியுறுத்தல்
ரபேல் ஒப்பந்த விவகாரத்தில், பிரதமர் மோடி மீது விசாரணை நடத்த வேண்டும் என ராகுல் காந்தி வலியுறுத்தி உள்ளார்.

அதிகம் வாசிக்கப்பட்டவை