சினிமா செய்திகள்

நடிகர் ரஜினிகாந்தின் 2.0 நவம்பர் 29ல் வெளியீடு + "||" + The second part of Endhiran starring Rajinikanth is released on November 29

நடிகர் ரஜினிகாந்தின் 2.0 நவம்பர் 29ல் வெளியீடு

நடிகர் ரஜினிகாந்தின் 2.0 நவம்பர் 29ல் வெளியீடு
நடிகர் ரஜினிகாந்த் நடிப்பில் உருவாகியுள்ள எந்திரன் படத்தின் 2வது பாகம் ஆன 2.0 இந்த வருடம் நவம்பர் 29ந்தேதி வெளியாகவுள்ளது. #Rajinikanth
சென்னை,

நடிகர் ரஜினிகாந்த் இதுவரை நடித்த படங்களில் அதிக பட்ஜெட்டில் தயாராகி உள்ள படம், ‘2.0.’ ரூ.450 கோடி வரை செலவிடப்பட்டு உள்ளது. இந்தியாவில் வேறு எந்த படமும் இவ்வளவு பெரிய செலவில் வந்தது இல்லை. 2010–ல் வெளியாகி வசூல் சாதனை நிகழ்த்திய ‘எந்திரன்’ படத்தின் இரண்டாம் பாகமாக தயாராகி உள்ளது.

கடந்த 2015ம் ஆண்டு டிசம்பர் மாதம் பட வேலைகள்  தொடங்கப்பட்டன.  இதில் ரஜினிகாந்த் ஜோடியாக எமிஜாக்சனும், வில்லனாக இந்தி நடிகர் அக்ஷய்குமாரும் நடித்துள்ளனர்.

ஒரு வருடத்துக்கு முன்பே முழு படமும் முடிந்து விட்டது. கடந்த வருடம் தீபாவளிக்கே படத்தை திரைக்கு கொண்டு வர திட்டமிட்டனர். தொழில் நுட்ப பணிகள் தாமதமானதால் ஜனவரி மாதத்துக்கு தள்ளி வைத்தனர். பின்னர் இந்த வருடம் ஏப்ரல் 27-ந்தேதி வெளியாகும் என்று அறிவிக்கப்பட்டது. ஆனால் கிராபிக்ஸ் பணிகள் முடியாததால் அன்று படம் வெளியாகவில்லை.

அதன்பிறகு டப்பிங், கிராபிக்ஸ், ரீரிக்கார்டிங் போன்ற தொழில் நுட்ப பணிகள் நடந்தன. வெளிநாட்டு ஸ்டூடியோக்களில் கிராபிக்சை ஹாலிவுட் படங்களுக்கு இணையாக செய்துள்ளனர்.  இதன் பாடல்களை துபாயில் ஆடம்பர விழா நடத்தி சில மாதங்களுக்கு முன்பு வெளியிட்டனர்.

இந்த நிலையில், நடிகர் ரஜினிகாந்த் நடித்துள்ள எந்திரன் படத்தின் 2வது பாகம் 2.0 இந்த வருடம் நவம்பர் 29ந்தேதி வெளியாகிறது என அதிகாரப்பூர்வ தகவல் வெளியாகியுள்ளது.


தொடர்புடைய செய்திகள்

1. பா.ஜ.க. மீது யாரும் எதிர்க்கருத்துகள் கூற வாய்ப்பில்லை; ரஜினிகாந்த் தெளிவான பதிலை தெரிவித்துள்ளார்: தமிழிசை சவுந்தரராஜன்
பா.ஜ.க. மீது யாரும் எதிர்க்கருத்துகள் கூற வாய்ப்பில்லை என்றும் நடிகர் ரஜினிகாந்த் தெளிவான பதிலை கூறியுள்ளார் என்றும் தமிழிசை சவுந்தரராஜன் தெரிவித்துள்ளார்.
2. பிரதமர் மோடி: 10 பேர் சேர்ந்து ஒருவரை எதிர்த்தால் யார் பலசாலி? ரஜினிகாந்த் கேள்வி
10 பேர் சேர்ந்து ஒருவரை எதிர்த்தால் யார் பலசாலி? என பிரதமர் மோடி குறித்து நடிகர் ரஜினிகாந்த் விளக்கம் அளித்துள்ளார்.
3. ராஜீவ் வழக்கில் சிறையில் உள்ள 7 பேரை பற்றி தெரியாத அளவுக்கு நான் முட்டாள் இல்லை -ரஜினிகாந்த் ஆவேசம்
ராஜீவ் வழக்கில் சிறையில் உள்ள 7 பேரை பற்றி தெரியாத அளவுக்கு நான் முட்டாள் இல்லை என ரஜினிகாந்த் ஆவேசமாக கூறி உள்ளார்.
4. நடிகர் ரஜினிகாந்த் நடித்து உள்ள 2.0 படத்தை திரையிடும் திரையரங்குகள் முன்பு போராட்டம் - வாட்டாள் நாகராஜ் அறிவிப்பு
நடிகர் ரஜினிகாந்த் நடித்து உள்ள 2.0 படத்தை திரையிடும் திரையரங்குகள் முன்பு போராட்டம் நடத்தப்படும் என்று வாட்டாள் நாகராஜ் அறிவித்து உள்ளார்.
5. தீபாவளி தினத்தில் ரசிகர்களை சந்தித்த ரஜினிகாந்த்
ரசிகர்களை சந்தித்த நடிகர் ரஜினிகாந்த் அவர்களுக்கு தீபாவளி வாழ்த்து கூறினார்.