தேசிய செய்திகள்

பிரதமர் மோடி ”காகிதப்புலி”: காங்கிரஸ் கடும் விமர்சனம் + "||" + Cong slams govt over decline in oil imports from Iran, says PM a 'paper tiger'

பிரதமர் மோடி ”காகிதப்புலி”: காங்கிரஸ் கடும் விமர்சனம்

பிரதமர் மோடி ”காகிதப்புலி”: காங்கிரஸ் கடும் விமர்சனம்
அமெரிக்காவின் அழுத்தத்தால், இந்தியா ஈரானிடம் இருந்து எண்ணைய் இறக்குமதியை குறைத்துவிட்டதாக காங்கிரஸ் மத்திய அரசு மீது குற்றம் சாட்டியுள்ளது.
புதுடெல்லி,

ஈரானிடம் இருந்து எண்ணைய் இறக்குமதி செய்வதை ஜூன் மாதத்தில் இந்தியா குறைத்துள்ளதாக, மத்திய அரசை விமர்சித்துள்ள காங்கிரஸ், பிரதமர் மோடியை காகிதப் புலி எனவும் அமெரிக்காவின் அழுத்தத்தால் விட்டுக் கொடுத்துவிட்டதாகவும் தெரிவித்துள்ளது. 

ஈரானிடம் இருந்து இந்தியா, இறக்குமதி செய்யும் கச்சா எண்ணைய் 25 சதவீதம் அளவுக்கு ஜூன் மாதத்தில் குறைந்து விட்டதாகவும், கடந்த மாதம் கப்பலில் ஏற்றப்பட்ட பேரல்கள், நிகழ் மாதத்தில் வந்து சேரும் என்று எதிர்பார்க்கப்படுவதாகவும், அரசு மற்றும் தொழிற்துறை அதிகாரிகள் நேற்று தெரிவித்தனர். 

இந்த நிலையில், காங்கிரஸ் செய்தி தொடர்பாளர் ஜெய்வீர் ஷெர்கில், இந்த விவகாரம் தொடர்பாக மத்திய அரசை கடுமையாக விமர்சித்தார். இது குறித்து ஜெய்வீர் ஷெர்கில் கூறியதாவது:- ஈரானிடம் இருந்து எண்ணைய் இறக்குமதியை குறைத்ததன் மூலம், பிரதமர் மோடியின் வெளிநாட்டுக்கொள்கை குழப்பமானது என்பது மீண்டும் ஒரு முறை நிரூபணம் ஆகியுள்ளது. 

உள்நாட்டில் எண்ணைய் விலையை கட்டுப்படுத்தும் விவகாரத்தில் இந்தியாவின் நலனைவிட அமெரிக்காவின் நலனுக்கே மீண்டும் ஒருமுறை முன்னுரிமை அளித்துள்ளார். ஈரானிடம் இருந்து எண்ணைய் இறக்குமதியை குறைத்தது, ஏழை மக்களின் பாக்கெட்டுகளை நேரடியாக நெருக்கும். விநியோகம் பாதிக்கப்பட்டு, எண்ணைய் விலை ஏற்றத்தை அதிகரிக்கும், நடப்பு கணக்கு பற்றாக்குறையை அதிகரிக்கும்

எண்ணைய் விவகாரத்தில், இந்திய அரசு எப்போதுமே இலாபம் ஈட்டும் நிலையிலும் இந்திய நுகர்வோர்கள் இழப்பு அடையும் நிலையிலும் உள்ளது ஏன்? என்பதை பிரதமர் மோடி விளக்க வேண்டும். ஈரானிடம் இருந்து எண்ணைய் இறக்குமதியை குறைத்துள்ளது, பிரதமர் மோடி காகிதப்புலி என்பதை தெளிவாக காட்டுகிறது. அமெரிக்காவின் அழுத்தத்துக்கு மோடி பணிந்து விட்டார்” இவ்வாறு அவர் தெரிவித்தார். 

ஈரான் அணு ஆயுதங்கள் வைத்திருப்பதாக அமெரிக்கா குற்றம் சாட்டியது. இதனால், இவ்விரு நாடுகளுக்கு இடையேயான விரிசல் அதிகரித்துள்ளது. மேலும், அமெரிக்கா ஈரான் நாட்டிற்கு பொருளாதார தடையும் விதித்துள்ளது. இந்த நிலையில், அமெரிக்கா அதிபர் டொனால்டு டிரம்ப், ஈரானிடம் இருந்து இந்தியா பெட்ரோல் வாங்குவதை குறைத்துக்கொள்ள வேண்டும் என்று கோரிக்கை விடுத்து இருந்தார் என்பது நினைவு கூறத்தக்கது. 


தொடர்புடைய செய்திகள்

1. உர்ஜித் படேல் ராஜினாமா; பா.ஜனதா அரசு மற்றொரு நிறுவனத்தை இழிவுபடுத்தி உள்ளது - காங்கிரஸ் குற்றச்சாட்டு
பா.ஜனதா தலைமையிலான மத்திய அரசு ஆர்.பி.ஐ.யை இழிவுபடுத்தியுள்ளது என காங்கிரஸ் குற்றம் சாட்டியுள்ளது.
2. உர்ஜித் படேலின் ராஜினாமா வங்கித்துறைக்கு மிகப்பெரிய இழப்பு - பிரதமர் நரேந்திர மோடி
உர்ஜித் படேலின் ராஜினாமா வங்கித்துறைக்கு மிகப்பெரிய இழப்பு என்று பிரதமர் நரேந்திர மோடி கூறியுள்ளார்.
3. ரபேல், ரிசர்வ் வங்கிக்கான சுய அதிகாரம் பிரச்சினையை பாராளுமன்றத்தில் எழுப்புவோம் -காங்கிரஸ்
ரபேல் போர் விமான ஒப்பந்தம், ரிசர்வ் வங்கிக்கான சுய அதிகாரம் பிரச்சினைகளை பாராளுமன்றத்தில் எழுப்புவோம் என காங்கிரஸ் கூறியுள்ளது.
4. “எங்களிடம் மோடி உள்ளார், உங்களுடைய பிரதமர் வேட்பாளர் யார்?” எதிர்க்கட்சிகளுக்கு பா.ஜனதா கேள்வி
“எங்களிடம் மோடி உள்ளார், உங்களுடைய பிரதமர் வேட்பாளர் யார்?” என்று எதிர்க்கட்சிகளுக்கு பா.ஜனதா கேள்வியை எழுப்பியுள்ளது.
5. பிரதமர் அலுவலகத்தின் மக்கள் தொடர்பு துறை அதிகாரி மறைவு; பிரதமர் மோடி இரங்கல்
பிரதமர் அலுவலக பி.ஆர்.ஓ. மறைவுக்கு பிரதமர் மோடி இரங்கல் தெரிவித்துள்ளார்.