மாநில செய்திகள்

திமுக தலைவர் கருணாநிதி மறைவுக்கு பல்வேறு அரசியல் கட்சியினர் இரங்கல் + "||" + DMK leader Karunanidhi condemned the death of various political parties

திமுக தலைவர் கருணாநிதி மறைவுக்கு பல்வேறு அரசியல் கட்சியினர் இரங்கல்

திமுக தலைவர் கருணாநிதி மறைவுக்கு பல்வேறு அரசியல் கட்சியினர் இரங்கல்
திமுக தலைவர் கருணாநிதியின் மறைவுக்கு பல்வேறு அரசியல் கட்சியினர் இரங்கல் தெரிவித்துள்ளனர். #Karunanidhi #RIPKarunanidhi
சென்னை,

தி.மு.க. தலைவர் கருணாநிதி உடல்நலக்குறைவால் சென்னை ஆழ்வார்ப்பேட்டையில் உள்ள காவேரி ஆஸ்பத்திரியில் சிகிச்சைக்காக அனுமதிக்கப்பட்டார். நேற்று முன் தினம் முதல் அவருடைய உடல்நிலையில் திடீர் பின்னடைவு ஏற்பட்டது. கடந்த 11 நாட்களாக காவேரி மருத்துவமனையில் அனுமதிக்கப்பட்டு இருந்த கருணாநிதி நேற்று மாலை 6.10 மணியளவில் காலமானார்.


இந்திய அரசியல் வரலாற்றில் மிகப்பெரும் ஆளுமைகளில் ஒருவரான கருணாநிதியின் மறைவுக்கு, ஜனாதிபதி, பிரதமர் மோடி, தமிழக முதல் அமைச்சர் பழனிசாமி உள்பட தேசிய தலைவர்கள், திரை ஆளுமைகள் என பல்வேறு தரப்பினரும் இரங்கல் தெரிவித்தனர். காவேரி மருத்துவமனையில் இருந்து இரவு 9.20 மணியளவில் திமுக தலைவர் கருணாநிதியின் உடல்,  கோபாலபுரம் இல்லத்துக்கு எடுத்துச்செல்லப்பட்டு அங்கு அஞ்சலி செலுத்தப்பட்டது. பின்னர் கோபாலபுரத்திலிருந்து சிஐடி காலனி இல்லத்திற்கு கொண்டு செல்லப்பட்டு குடும்பத்தினர், பொதுமக்கள் ஆகியோர் அஞ்சலி செலுத்தினர்.

இந்நிலையில் திமுக தலைவர் கருணாநிதியின் மறைவுக்கு பொன்.ராதாகிருஷ்ணன், ராமதாஸ், அன்புமணி, தினகரன், திருநாவுக்கரசர், விஜயகாந்த், பாலகிருஷ்ணன், தமிழிசை, ஈவிகேஎஸ்.இளங்கோவன், வாசன், காதர் மொகீதின் ஆகியோரும் இரங்கல் தெரிவித்துள்ளனர்.

மேலும் திமுக தலைவர் கருணாநிதியின் மறைவுக்கு மன்மோகன்சிங், அத்வானி, அமித்ஷா, ராகுல் காந்தி, சந்திரபாபு நாயுடு, நவீன் பட்னாவிக், சீதாராம் யெச்சூரி, குமாரசாமி, அரவிந்த் கெஜ்ரிவால், பரூக் அப்துல்லா, கேரள ஆளுநர் சதாசிவம், கிரண்பேடி, குலாம்நபி ஆசாத், ஆகியோரும் இரங்கல் தெரிவித்துள்ளனர்.

இந்நிலையில், திமுக தலைவர் கருணாநிதியின் உடலுக்கு அஞ்சலி செலுத்த பிரதமர் மோடி, ராகுல் காந்தி, நிர்மலா சீதாராமன், பொன்.ராதாகிருஷ்ணன், குமாரசாமி, அரவிந்த் கெஜ்ரிவால் உள்ளிட்டோர்  இன்று வர உள்ளனர்.



தொடர்புடைய செய்திகள்

1. சென்னை மந்தைவெளியில் கால் டாக்சி டிரைவர் வெட்டிக்கொலை
சென்னை மந்தைவெளியில் வாலிபரை ஓட ஓட விரட்டி வெட்டிக்கொலை செய்த 8 பேர் கொண்ட கும்பலை போலீசார் வலைவீசி தேடி வருகின்றனர்.
2. சென்னையில் பரவலாக மழை
சென்னையில் பரவலாக மழை பெய்து வருகிறது.
3. மூத்த பத்திரிகையாளர் நக்கீரன் கோபால் சென்னை விமான நிலையத்தில் கைது
மூத்த பத்திரிகையாளர் நக்கீரன் கோபால் சென்னை விமான நிலையத்தில் கைது செய்யப்பட்டுள்ளார்.
4. சென்னையில் புரோ கபடி லீக்: தமிழ் தலைவாஸ் அணி தோல்வி
சென்னையில் நடந்த புரோ கபடி லீக் ஆட்டத்தில், தமிழ் தலைவாஸ் அணி தோல்வியடைந்தது.
5. சென்னையில் புரோ கபடி லீக்: வெற்றியுடன் தொடங்கியது தமிழ் தலைவாஸ்
சென்னையில் புரோ கபடி லீக் போட்டியில், பாட்னாவை வீழ்த்தி வெற்றியுடன் தொடங்கியது தமிழ் தலைவாஸ் அணி.