தேசிய செய்திகள்

மாநிலங்களவை துணைத் தலைவர் தேர்தல்: பாஜகவிற்கு அ.தி.மு.க ஆதரவு? + "||" + Vice President of the Rajya Sabha: AIADMK support to BJP

மாநிலங்களவை துணைத் தலைவர் தேர்தல்: பாஜகவிற்கு அ.தி.மு.க ஆதரவு?

மாநிலங்களவை துணைத் தலைவர் தேர்தல்: பாஜகவிற்கு அ.தி.மு.க ஆதரவு?
மாநிலங்களவை துணைத் தலைவர் தேர்தலில் பாஜகவிற்கு ஆதரவாக வாக்களிக்க அ.தி.மு.க முடிவுசெய்துள்ளதாக தகவல் வெளியாகி உள்ளது. #ADMK #BJP
புதுடெல்லி

மாநிலங்களவை துணைத்தலைவர் தேர்தலில் ஆளும் கூட்டணி மற்றும் எதிர்க்கட்சி கூட்டணி வேட்பாளர்களிடையே கடும் போட்டி நிலவுகிறது. 

மாநிலங்களவைத் துணை தலைவராக இருந்த பி.ஜே.குரியனின் பதவிக்காலம் கடந்த ஜூலை 1ம் தேதியுடன் முடிவடைந்த நிலையில் அந்தப் பதவிக்கு இன்று காலை 11 மணிக்கு தேர்தல் நடைபெறவிருக்கிறது. இதில் பாரதீய ஜனதா தலைமையிலான தேசிய ஜனநாயகக் கூட்டணியின் சார்பில் ஐக்கிய ஜனதா தளத்தின் ஹரிவன்ஷும், காங்கிரஸ் உள்ளிட்ட எதிர்க்கட்சிகளின் சார்பில் பி.கே. ஹரிபிரசாதும் போட்டியிடுகின்றனர்.

இதையொட்டி தேசிய ஜனநாயக கூட்டணி மற்றும் எதிர்க்கட்சிகள் தனித்தனியாக தாங்கள் ஆதரவளிக்கும் வேட்பாளர் குறித்து மாநிலங்களவை செயலகத்தில் நோட்டீஸ் அளித்துள்ளன. இவை முறைப்படி இருப்பதாக செயலக வட்டாரங்கள் தெரிவித்தன. எதிர்க்கட்சிகள் தரப்பில் தங்களுடைய வேட்பாளருக்கு காங்கிரஸ், திரிணாமுல் காங்கிரஸ், திமுக, இடதுசாரிகள், சமாஜ்வாதி கட்சி, பகுஜன் சமாஜ், தேசியவாத காங்கிரஸ் மற்றும் தெலுங்குதேசம் கட்சிகளின் ஆதரவு இருப்பதாக கூறப்பட்டுள்ளது. அதே நேரம் தேசிய ஜனநாயக கூட்டணியின் சார்பில் போட்டியிடும் ஹரிவன்ஷுகு போதிய ஆதரவு இருப்பதாக நாடாளுமன்ற விவகாரங்கள் துறை இணையமைச்சர் விஜய் கோயல் கூறினார்.

ஹரிவன்ஷுக்கு தேசிய ஜனநாயக கூட்டணியில் உள்ள சிவசேனாவும், அகாலிதளமும் ஆதரவு தெரிவித்துள்ளன. இதைத் தவிர கூட்டணியில் இல்லாத அதிமுக, தெலங்கானா ராஷ்ட்ரிய சமிதி ஆகிய கட்சிகளும் ஆதரவு தெரிவித்துள்ளன. ஆனால் பெரும்பான்மை இல்லாததால்தான் ஐக்கிய ஜனதா தளம் கட்சியின் உறுப்பினரை வேட்பாளராக பாரதிய ஜனதா அறிவித்திருப்பதாக காங்கிரஸ் கட்சி விமர்சித்துள்ளது.

இன்று நடைபெறும் மாநிலங்களவை துணைத் தலைவர் தேர்தலில் பாஜகவிற்கு ஆதரவாக வாக்களிக்க  அதிமுக எம்.பி.க்கள் முடிவு செய்து இருப்பதாக தகவல் வெளியாகி உள்ளது.


தொடர்புடைய செய்திகள்

1. முந்தைய தேர்தலை விட அதிக இடங்களில் பாஜக வெற்றி பெறும்: அமித்ஷா
2014-ஆம் ஆண்டு பாராளுமன்ற தேர்தலை விட அதிக இடங்களில் வரும் தேர்தலில் பாஜக வெற்றி பெறும் என்று அமித்ஷா தெரிவித்துள்ளார்.
2. பெண்கள் அதிகாரம், விவசாயிகளின் பிரச்சினை வரவிருக்கும் பாராளுமன்ற தேர்தலில் முக்கிய பங்கு வகிக்கும்
பெண்கள் அதிகாரம், விவசாயிகளின் பிரச்சினை ஆகியவை வரவிருக்கும் பாராளுமன்ற தேர்தலில் முக்கிய பங்கு வகிக்கும் என ஐபிஏசி ஆய்வில் தெரியவந்து உள்ளது.
3. பாராளுமன்ற தேர்தலோடு 11 மாநில சட்டப்பேரவை தேர்தல்களையும் நடத்த தேர்தல் ஆணையம் திட்டம்?
பாராளுமன்ற தேர்தலோடு 11 மாநில சட்டப்பேரவை தேர்தல்களையும் நடத்த தேர்தல் ஆணையம் திட்டமிட்டுள்ளதாக தகவல்கள் வெளியாகியுள்ளது.
4. அ.ம.மு.க. நிர்வாகிகள் பாராளுமன்ற தேர்தலுக்கு தயாராக இருக்க வேண்டும்
அ.ம.மு.க. நிர்வாகிகள் வருகிற நாடாளுமன்ற தேர்தலுக்கு தயாராக இருக்க வேண்டும் என்று கட்சியின் கொள்கை பரப்பு செயலாளர் தங்க தமிழ்ச்செல்வன் பேசினார்.
5. பாராளுமன்ற தேர்தலில் தனிப்பெரும்பான்மையுடன் வெற்றி பெற்றால் பிரதமர் ஆவேன்: ராகுல் காந்தி
வரும் பாராளுமன்ற தேர்தலில் தனிப்பெரும்பான்மையுடன் வெற்றி பெற்றால் பிரதமர் ஆவேன் என்று ராகுல் காந்தி தெரிவித்துள்ளார். #RahulGandhi