தேசிய செய்திகள்

நாடாளுமன்ற வளாகத்தில் சோனியா காந்தி உள்பட எதிர்க்கட்சி எம்.பி.க்கள் போராட்டம் + "||" + In the parliament premises Including Sonia Gandhi Opposition MPs protest

நாடாளுமன்ற வளாகத்தில் சோனியா காந்தி உள்பட எதிர்க்கட்சி எம்.பி.க்கள் போராட்டம்

நாடாளுமன்ற வளாகத்தில் சோனியா காந்தி உள்பட எதிர்க்கட்சி எம்.பி.க்கள் போராட்டம்
விவசாயக் கடன் தள்ளுபடி, ரஃபேல் ஒப்பந்தம் தொடர்பாக மத்திய அரசை குற்றம்சாட்டி நாடாளுமன்ற வளாகத்தில் சோனியா காந்தி உள்பட எதிர்க்கட்சி எம்.பி.க்கள் போராட்டம் நடத்தினர். #SoniaGandhi
புதுடெல்லி

பிரான்ஸ் நாட்டிடம் இருந்து ரூ.58 ஆயிரம் கோடி மதிப்பில் 36 ரஃபேல் போர் விமானங்களை வாங்குவதற்கு இந்தியா 2016–ம் ஆண்டு ஒப்பந்தம் செய்தது.  இது குறித்த தகவல்களை வெளியிடவேண்டும் என்று காங்கிரஸ் தலைவர் ராகுல்காந்தி தொடர்ந்து வற்புறுத்தி வந்தார். ஆனால், இது ரகசியம் காக்கப்படவேண்டிய ஒப்பந்தம் என்பதால் இதுபற்றி தெரிவிக்க முடியாது என்று ராணுவ மந்திரி நிர்மலா சீதாராமன் மறுத்தார்.

இப்பிரச்சினையை  நாடாளுமன்றத்தில் அரசுக்கு எதிரான நம்பிக்கையில்லா தீர்மானத்தின் மீதான விவாதத்தின்போது எழுப்பிய ராகுல்காந்தி, டெல்லியில் நான் பிரான்ஸ் அதிபர் மேக்ரனை சந்தித்தபோது, அவர் ரஃபேல் ஒப்பந்தம் ரகசியமான ஒன்று அல்ல என்று என்னிடம் சொன்னார். எனவே, நிர்மலா சீதாராமன் பொய் சொல்கிறார் என்று குற்றம் சாட்டினார். இதனையடுத்து, ரஃபேல் போர் விமான ஒப்பந்த விவகாரம் தொடர்பாக ராகுல்காந்தி கூறுவது முற்றிலும் தவறானது என்று ராணுவ மந்திரி நிர்மலா சீதாராமன் கூறினார். 

இந்நிலையில் ராகுல் காந்தியின் குற்றச்சாட்டை மறுப்பு தெரிவித்து பிரான்ஸ் அறிக்கையை வெளியிட்டுள்ளது. 2008-ல் நடந்த பாதுகாப்பு உடன்படிக்கையின்படி ரகசியங்களை பாதுகாக்க ஒப்புக்கொள்ளப்பட்டது, அதன்படி ரகசிய தகவல்களை வெளியிட முடியாது என தெரிவிக்கப்பட்டுள்ளது. 

விவசாயக் கடன் தள்ளுபடி, ரஃபேல் ஒப்பந்தம் தொடர்பாக மத்திய அரசை குற்றம்சாட்டி பாராளுமன்ற வளாகத்தில் இன்று சோனியாகாந்தி தலைமையில் எதிர்கட்சி  எம்பிக்கள்  போராட்டம் நடத்தினர். 

முத்தலாக் சட்டத்தில் எங்கள் கட்சியின் நிலைப்பாடு மிகவும்  தெளிவாக உள்ளது, இதை மேலும் நான் கூறமாட்டேன் என  சோனியா காந்தி கூறினார்.


தொடர்புடைய செய்திகள்

1. ரபேல் ஒப்பந்தத்தில் ரிலையன்ஸை இணைக்க கட்டாயப்படுத்தப்பட்டது என்பதற்கு பிரான்ஸ் நிறுவனம் மறுப்பு
ரபேல் ஒப்பந்தத்தில் ரிலையன்ஸை இணைக்க இந்திய அரசு தரப்பில் கட்டாயப்படுத்தப்பட்டது என்பதற்கு பிரான்ஸ் நிறுவனம் மறுப்பு தெரிவித்துள்ளது.
2. ரபேல் ஒப்பந்தத்துக்கு எதிரான வழக்குகளை 10-ம் தேதி விசாரிக்கிறது சுப்ரீம் கோர்ட்டு
ரபேல் போர் விமான ஒப்பந்தத்துக்கு எதிரான வழக்குகளை 10-ம் தேதி சுப்ரீம் கோர்ட்டு விசாரிக்கிறது.
3. ரபேல் ஒப்பந்தம் கையெழுத்தாகும் போது நான் அதிகாரத்தில் இல்லை: பிரான்சு அதிபர் மேக்ரான் பதில்
ரபேல் ஒப்பந்தம் கையெழுத்தாகும் போது நான் அதிகாரத்தில் இல்லை என்று பிரான்சு அதிபர் மேக்ரான் என தெரிவித்துள்ளார்.
4. “ பிரதமர் மோடி நாட்டுக்குப் பிரதமரா? அல்லது அம்பானிக்கு பிரதமரா?” காங்கிரஸ் கேள்வி
ரபேல் விவகாரத்தில் மத்திய அரசை கடுமையாக விமர்சனம் செய்யும் காங்கிரஸ், மக்களுக்கு பதிலளிக்க வேண்டும் என வலியுறுத்தியுள்ளது.
5. ரபேல் விவகாரம்: சர்வதேச சதி எங்கு உள்ளது? பா.ஜனதாவிற்கு காங்கிரஸ் கேள்வி
ரபேல் விவகாரத்தில் சர்வதேச சதி எங்கு உள்ளது? என்று பா.ஜனதாவிற்கு காங்கிரஸ் கேள்வியை எழுப்பியுள்ளது. #Rafaledeal #Congress #BJP